Вы тут

У Беларусі набірае папулярнасць фотабёрдынг


Фатаграфаванне і вызначэнне птушак на час, або адным словам — фотабёрдынг, набірае ў Беларусі папулярнасць. Пад эгідай ГА «Ахова птушак Бацькаўшчыны» (АПБ) ужо праведзена восем чэмпіянатаў, якія праходзілі як у сталіцы, так і ў двух абласных цэнтрах — Брэсце і Гомелі. Цяпер жа, 26 студзеня, стартуе першы зімовы чэмпіянат па фотабёрдынгу, які носіць пакуль эксперыментальны характар па фармаце правядзення.


Па-першае, месца правядзення — любое, гэта значыць кожны выбірае яго сам. Ведаеш, дзе больш за ўсё птушак зімой, едзь туды і фатаграфуй на здароўе. Па-другое, ужо можна карыстацца любым відам транспарту. Гэта, дарэчы, і з пункту гледжання ўмоў надвор'я вельмі правільна. Замерз — сеў у аўтобус ці маршрутку, праехаў да наступнага «птушынага» пункта, заадно і сагрэўся.

Птушак зімой у Беларусі, вядома, паменш будзе, чым у астатнія поры года (і істотна, прыкладна ў два разы), затое менавіта ў зімовы час на тэрыторыі нашай краіны з'яўляюцца віды птушак, якіх не ўбачыш гарачым летам. Акрамя знаёмых многім гілёў і амялушак, «пагрэцца» да нас прылятаюць звычайная і попельная чачоткі, сняжуркі (пуначкі), рагатыя жаваранкі і інш. Рагатых жаўрукоў я якраз і сустрэў гэтым студзенем у вёсцы Даўгалессе Гомельскага раёна. Там жа і планую прымаць удзел у чэмпіянаце па зімовым фотабёрдынгу. Дарэчы, удзел бясплатны, і любы ахвотны можа падаць заяўку да 17.00 25 студзеня. Спяшайцеся! Больш падрабязна пра акцыю па спасылцы http://ptushkі.org/news/656030.html.

Птушкі чакаюць удалых здымкаў!

Максім ШАСТАКОЎ, член савета Гомельскага рэгіянальнага аддзялення АПБ

Загаловак у газеце: Першы зімовы

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.