Вы тут

Насенне якіх раслін сеюць у студзені?


Існуе нямала культур, якія немагчыма вырасціць, пасеяўшы вясной на градцы, бо ў іх доўгі вегетацыйны перыяд. Таму ўжо ў першым месяцы года трэба ў хатніх умовах прыступаць да гэтай працэдуры.


Асноўная перавага такой пасадкі — магчымасць атрымаць ураджай значна раней, чым пры пасеве на градцы. Перш чым вырошчваць расаду, неабходна ўлічыць і цяжкасці, якія чакаюць падчас гэтага няпростага працэсу: узімку дзень кароткі, таму спатрэбіцца дасвечванне, асабліва ў кватэры; для кожнага віду раслін неабходны пэўны ўзровень тэмпературы і вільготнасці паветра; для вырошчвання вялікай колькасці раслін патрабуецца немаленькая плошча.

Насенне якіх раслін сеюць у студзені?

Суніцы. Культура ўсходзіць доўга — да 40 дзён, і ўвесь гэты час сочым, каб глеба была досыць вільготнай. Грунт павінен складацца з трох частак пяску, адной часткі агароднай зямлі і адной часткі перагною. Каб паскорыць прарастанне насення, на грунт трэба насыпаць 1—2 см снегу, на яго пакласці насенне і паставіць ёмістасці на 2—3 дні ў халадзільнік. Снег будзе раставаць, зацягваючы насенне ў грунт. Праз трое сутак кантэйнеры трэба пераставіць у добра асветленае цёплае месца. Пікіраваць суніцу можна пасля з'яўлення 3—4 пар лісцікаў.

Клубніцы. Лепш за ўсё выбраць правераны сорт і пабольш насення. Глеба не павінна быць занадта ўрадлівай — досыць пяску, у які дададзена трохі перегною. Мінеральныя ўгнаенні не патрабуюцца. Перад пасевам насенне намачыць на суткі ў вадзе, потым прасушыць і пасеяць у баразёнкі на глыбіню 5 мм. Ёмістасці з насеннем лепш за ўсё накрыць плёнкай. Паліваць глебу варта так, каб грунт не размываўся. Такія клубніцы будуць пладаносіць у пачатку лета.

Горкі перац на расаду сеем у скрыні з дрэнажнымі адтулінамі. Грунт павінен складацца з трох частак перагною, часткі пяску і варта дадаць трохі попелу. Перад пасевам грунтавую сумесь неабходна прагрэць. Насенне раскладваецца ў баразёнкі на глыбіню аднаго сантыметра. Верхнюю частку грунту пасля пасеву трэба крыху ўшчыльніць. Усходы пікіруюць, калі на іх з'явяцца два сапраўдныя лісточкі. Для паліву рэкамендуецца выкарыстоўваць ваду з дадаткам марганцоўкі (тэмпература 26—28 градусаў).

У студзені таксама сеюць кветкі, цвіценне якіх пачынаецца праз 5—6,5 месяца пасля моманту пасеву: гваздзік Шабо, бягонію, бальзаміны, лабелію, петунію. Гваздзік Шабо сеюць на глыбіні 3 мм, пры з'яўленні ўсходаў ёмістасці трэба перамясціць у светлае месца. Тэмпература ў памяшканні павінна быць у межах 12—15 градусаў. Пікіруюць расліны пасля з'яўлення 4—5 пар лісточкаў. Увесну пры тэмпературы вышэй за нуль у начны час расаду можна перамясціць у плёнкавую цяплічку.

Насенне бягоній і бальзаміна вельмі маленькае, таму прысыпаць яго зямлёй не трэба: без святла яно не прарасце. Грунт робяць з дзвюх частак перагною, часткі торфу і часткі пяску, дадаючы трохі попелу. Ёмістасці з пасеяным насеннем накрываюць шклом, паставіўшы на добра асветленае месца і штодня апырскваюць грунт цёплай вадой. Пасля з'яўлення ўсходаў шкло трэба прыпадняць, праз некалькі дзён і зусім зняць. Пікіруюць бягоніі і бальзаміны пасля таго, як вырастуць 3—4 лісточкі. У пачатку мая расаду можна выносіць на свежае паветра.

Лабеліі і петуніі. Паколькі насенне вельмі дробнае, зямлёй яго таксама не трэба прысыпаць, дастаткова насыпаць у намечаныя баразёнкі і апырскаць з пульверызатара. Лабелію да прарастання насення трэба трымаць у цёмным месцы, петунію — у светлым, накрыўшы шклом. Пасля з'яўлення ўсходаў саджанцы штодня апырскваюць злёгку ружовым растворам марганцоўкі. Пры росце саджанцаў 2—3 сантыметры іх пікіруюць. У пачатку мая лабеліі і петуніі можна перамясціць з памяшкання ў веранду або на балкон.

Загаловак у газеце: Студзень: час пачынаць сяўбу

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.