Вы тут

На eBay хацелі прадаць абломкі разбітай машыны прынца Філіпа


На аўкцыённым інтэрнэт-сайце eBay з'явілася, а затым знікла аб'ява аб продажы абломкаў, нібыта знойдзеных на месцы аўтамабільнай аварыі з мужам каралевы Лізаветы II герцагам Эдынбургскім.


Фота: Archant

Прадавец пад нікам morbius777 сцвярджаў, што абломкі былі сабраныя на месцы сутыкнення, якое адбылося ў графстве Норфалк 17 студзеня.

У аб'яве гаварылася, што сярод абломкаў, верагодна, можа знаходзіцца ДНК прынца Філіпа, калі хтосьці пажадае стварыць яго клон.

Паведамлялася, што ўсе атрыманыя сродкі будуць перададзеныя ў дабрачынную арганізацыю Cancer Research UK. Кошт лота павышаўся 139 разоў і ў выніку дасягнуў 65 тыс. 900 фунтаў (прыкладна 85 тыс. долараў).

Прадстаўнік eBay заявіў, што рашэнне аб зняцці аб'явы аб продажы было выдалена, таму што правілы кампаніі забараняюць нажывацца на чалавечых пакутах і трагедыі.

Красовер прынца Land Rover урэзаўся ў легкавы аўтамабіль KIA. 28-гадовая жанчына, якая сядзела за рулём, атрымала парэзы, а 45-гадовая пасажырка зламала запясце. У машыне пацярпелых таксама быў 9-месячны малы, які не пацярпеў.

Прадстаўнік Букінгемскага палаца заявіў, што медагляд не выявіў ніякіх пашкоджанняў у арганізме 97-гадовага прынца.

У аб'яве на eBay паказвалася, што пакупнік, які пераможа, атрымае тры пластыкавыя часткі, аднак разбітае шкло не прыкладалася.

BBC

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.