Вы тут

Марознае надвор'е будзе ў Беларусі на бягучым тыдні


Марознае надвор'е будзе ў Беларусі на бягучым тыдні, піша БЕЛТА са спасылкай на Белгідрамет. 


Фота: ru.pngtree.com

На працягу рабочага тыдня пераважны ўплыў на надвор'е будзе аказваць вобласць павышанага атмасфернага ціску, сфарміраваная ў халоднай паветранай масе, таму будзе пераважна без ападкаў.

Толькі ў аўторак, 22 студзеня, малаактыўны франтальны раздзел абумовіць у многіх раёнах невялікі снег. У начны і ранішні час месцамі слабы туман. На асобных участках дарог захаваецца галалёдзіца. Тэмпература паветра ўначы ў асноўным складзе 4-10 градусаў ніжэй за нуль, удзень будзе 2-7 градусаў марозу. Па поўначы краіны будзе халадней: там уначы 11-16 градусаў марозу, пры праясненнях тэмпература паветра панізіцца да 17-21 градуса, удзень чакаецца тэмпература 8-13 градусаў са знакам мінус.

У сераду, 23 студзеня, будзе без істотных ападкаў, толькі раніцай і ўдзень месцамі па поўдні краіны пройдзе кароткачасовы снег. На асобных участках дарог галалёдзіца. Уначы будзе 6-13 градусаў марозу, пры праясненнях тэмпература панізіцца да мінус 14-18 градусаў. Удзень чакаецца 3-10 градусаў ніжэй за нуль.

У чацвер, 24 студзеня, будзе пераважна без ападкаў, толькі месцамі па Гомельскай вобласці пройдзе кароткачасовы снег. На асобных участках дарог галалёдзіца. Тэмпература ўначы складзе 8-15 градусаў ніжэй за нуль, пры праясненнях тэмпература паветра панізіцца да 16-21 градуса. Удзень прагназуецца 4-10 градусаў марозу, месцамі 11-12 градусаў ніжэй за нуль.

У пятніцу, 25 студзеня, будзе пераважна без ападкаў, толькі па паўднёвым захадзе краіны пройдзе кароткачасовы снег. На асобных участках дарог галалёдзіца. Уначы чакаецца 10-17 градусаў ніжэй за нуль, пры праясненнях 18-21 градус са знакам мінус, у паўднёва-заходніх раёнах - 7-9 градусаў марозу. Удзень будзе мінус 5-12 градусаў.

У выхадныя дні ўмовы надвор'я будуць вызначаць атмасферныя франты, якія абумовяць часам снег і аслабленне марозу.

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.