Завяршыўся X адкрыты Рэспубліканскі турнір па боксе памяці заслужанага трэнера Беларусі Генрыха Рыўкіна. Праходзілі спаборніцтва ў Магілёве з 15 па 19 студзеня ў спартыўным комплексе «Алімпіец». Цягам чатырох дзён баксёры 2001-2002 гадоў нараджэння выходзілі на рынг, каб вызначыць найлепшых у кожнай вагавай катэгорыі. Каля 70 спартсменаў узялі ўдзел у баях. Акрамя прадстаўнікоў нашый краіны, у турніры ўзялі ўдзел і замежныя каманды. Баксёры з Украіны, Літвы і Расіі годна выступілі на рынгу, але найлепшы вынік паказалі прадстаўнікі Беларусі, а ў прыватнасці баксёры з Магілёўскай вобласці.
– Турнір прайшоў на высокім узроўні, хлопцы годна выступілі і пацешылі гледачоў яркімі двубоямі. Спаборніцтвы сталі першымі сур'ёзнымі выпрабаваннямі для нашых спартсменаў у новым годзе. Праз два тыдні адбудзецца першынства Магілёўскай вобласці па боксе сярод гэтай узроставай групы, а ўжо ў лютым дзеці выступяць на рэспубліканскім узроўні. Пасля чаго будзе праведзены адбор найлепшых баксёраў, якія будуць прадстаўляць нашу краіну на чэмпіянаце Еўропы, – адзначыў галоўны суддзя спаборніцтваў Віталь Сідарэнка.
Андрэй САЗОНАЎ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
