19 студзеня адзначаецца 20 гадоў органам і падраздзяленням па надзвычайных сітуацыях. Менавіта ў гэты дзень у 1999 годзе ўказам Прэзідэнта было зацверджана палажэнне аб Міністэрстве па надзвычайных сітуацыях. На ведамства былі ўскладзены функцыі дзяржаўнага кіравання ў галіне папярэджання і ліквідацыі надзвычайных сітуацый, гарантавання пажарнай бяспекі і былі вызначаны асноўныя задачы. Адмыслова да гэтай даты Міністэрствам сувязі і інфарматызацыі ў каардынацыі з Міністэрствам па надзвычайных сітуацыях быў выпушчаны адмысловы паштовы блок "Сучасныя ратаўнікі".
У яго аснову пакладзена эмблема цэнтральнага апарату МНС. На канверце ж адлюстравана эмблема міністэрства. Тыраж блока складае 20 тысяч экзэмпляраў.
Цырымонію памятнага гашэння канверта і маркі правялі міністр па надзвычайных сітуацыях Уладзімір Вашчанка і міністр сувязі і інфарматызацыі Канстанцін Шульган.
— Гэта першая марка, якая была выпушчана да Дня ратаўніка, — зазначыў Уладзімір Вашчанка. — І гэта, несумненна, застанецца ў гісторыі. Марка цалкам адпавядае нашым пажаданням.
Акрамя таго, Канстанцін Шульган быў узнагароджаны медалём "20 гадоў органам і падраздзяленням па надзвычайных сітуацыях Рэспублікі Беларусь".
Валяр'ян ШКЛЕННІК
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
