Вы тут

У Магілёве адкрылі будынак аддзела ўнутраных спраў Ленінскага раёна


У Магілёве ўрачыста адкрылі пасля маштабнай рэканструкцыі будынак аддзела ўнутраных спраў Ленінскага раёна.


Нават знешне ён змяніўся да непазнавальнасці — дабудаваны трэці паверх, з'явіліся новыя гаражы і іншыя пабудовы, добраўпарадкавана тэрыторыя. Унутры суперсучаснае начынне, якое дазваляе працаваць на высокім узроўні. Пад адным дахам сабраліся ўсе службы райаддзела, якія раней знаходзіліся ў розных частках горада. З'явіліся прасторныя вучэбныя класы для патрульна-паставой службы і ўчастковых інспектараў. Створана памяшканне аператыўна-сітуацыйнага штаба на выпадак надзвычайных сітуацый. Рамонтныя работы вяліся не адзін год і нарэшце доўгачаканае наваселле адбылося. З гэтай падзеяй супрацоўнікаў райаддзела павіншаваў першы намеснік міністра ўнутраных спраў Іван Падгурскі:

— Кіраўніцтвам краіны і органаў унутраных спраў удзяляецца вялікая ўвага стварэнню камфартабельных умоў для нясення службы праваахоўных органаў. Улічваючы спецыфіку работы, якой супрацоўнікі павінны прысвячаць шмат часу, будынак РАУС можна без перабольшвання назваць іх другім домам. Сёння Ленінскі РАУС Магілёва цалкам адпавядае патрабаванням часу, і ад яго супрацоўнікаў патрабуецца толькі адно — заставацца прафесіяналамі сваёй справы, забяспечваць парадак і бяспеку ў грамадстве.

Іван Падгурскі ўручыў начальніку Ленінскага РАУС ключы ад аўтамабіля. Яшчэ адно аўто перадаў аддзелу міліцыі начальнік УУС Магілёўскага аблвыканкама Ігар Шчарбачэня.

Неабходную для работы падраздзялення аргтэхніку перадаў ад імя абласной выканаўчай улады старшыня Магілёўскага аблвыканкама Уладзімір Даманеўскі. Ён падзякаваў супрацоўнікам за іх самаадданасць і пажадаў і надалей заставацца вернымі сваёй службе на карысць грамадству.

Нэлі ЗІГУЛЯ

Загаловак у газеце: Дом для міліцыі

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.