Вы тут

У БДУ распрацавана геаінфармацыйная сістэма аўтаматызаванага аналізу глебаў


Яе аўтарам з'яўляецца выкладчык кафедры глебазнаўства і зямельных інфармацыйных сістэм геаграфічнага факультэта Аляксей Сазонаў.


Распрацоўка прызначана для выкарыстання ў сельскай гаспадарцы, правядзення навуковых даследаванняў і ацэнкі кошту земляў.

Геаінфармацыйная сістэма (ГІС) складаецца з базы дадзеных лічбавых карт глебавага покрыва Беларусі і ўключае шэраг інструментаў для іх аўтаматызаванага аналізу. У прыватнасці, выконваецца дакладны разлік плошчы, перыметра межаў зямельнага ўчастка, комплексна аналізуецца структура глебавага покрыва. Ацэньваецца якасць сельскагаспадарчых земляў, што можна выкарыстоўваць пры прагназаванні ступені іх ўраджайнасці.

Пакуль цалкам апрацаваны і прааналізаваныя тэматычныя карты 22 адміністрацыйных раёнаў Мінскай вобласці ў маштабе 1:10 000. У хуткім часе завершыцца аналіз тэрыторыі яшчэ двух абласцей. У даследаванні выкарыстоўваюцца дадзеныя зямельна-інфармацыйнай сістэмы Беларусі, што дазваляе ГІС улічваць рэгіянальныя асаблівасці аграландшафтаў.

Практычная значнасць распрацоўкі пацверджана двума актамі аб укараненні ў вучэбны працэс БДУ і ў вытворчы працэс Інстытута глебазнаўства і аграхіміі.

Надзея НІКАЛАЕВА

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.