Вы тут

Двое мінчан спрабавалі выбіць грошы з даўжніка


Двое мінчан спрабавалі выбіць грошы з даўжніка, а ў выніку «зарабілі» крымінальную справу.


Як паведамілі ў Следчым камітэце, 30-гадовы мужчына і яго 26-гадовая сяброўка па просьбе свайго знаёмага вырашылі дапамагчы яму вярнуць доўг. Яны сустрэліся з даўжніком каля аднаго са сталічных супермаркетаў. Але дамовіцца «па-добраму» не ўдалося. Не прыдумаўшы нічога лепшага, маладая пара адабрала ў даўжніка мабільны тэлефон і запіхнула бедака ў аўтамабіль, пагражаючы фізічнай расправай. Прыехаўшы да гаража, які належаў дзяўчыне, абвінавачаныя паспрабавалі зацягнуць пацярпелага ў падвал. Але ў іх нічога не выйшла, паколькі даўжнік аказаў актыўнае супраціўленне.

Тады яны патэлефанавалі маці пацярпелага і запатрабавалі аддаць ім аўтамабіль коштам больш за сем тысяч рублёў, выказваючы пры гэтым пагрозы прымянення гвалту да яе сына. Аднак, не дабіўшыся свайго, яны пакінулі мужчыну каля гаража і з'ехалі.

Дзеянні выкрадальнікаў кваліфікаваны паводле ч. 1 арт. 183 (незаконнае пазбаўленне волі), ч. 2 арт. 206 (рабаванне), ч 2. арт. 208 (вымагальніцтва) Крымінальнага кодэкса Беларусі. Мужчына заключаны пад варту, а дзяўчына знаходзіцца пад падпіскай аб нявыездзе.

Сяргей КУЛАКОЎ

Загаловак у газеце: Гора-рэкеціры

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.