Вы тут

У Магілёў едзе M@rt.кантакт


Квіткі на прадстаўленні папулярнага міжнароднага маладзёжнага тэатральнага форуму, які па традыцыі пачнецца з 21 сакавіка і закончыцца ў міжнародны дзень тэатра 27 сакавіка, паступяць у продаж ужо на наступным тыдні — 15 студзеня. Як паказвае практыка, большая іх частка раскупляецца ўжо ў першыя дні. Фестывальная афіша абяцае быць насычаная і цікавая. У асноўнай праграме форуму 23 спектаклі і тэатральныя праекты 23 тэатраў з 10 краін свету. Госці прыедуць з Беларусі, Расіі, Грузіі, Латвіі, Арменіі, Украіны, Ізраіля, Прыднястроўя, Польшчы, Літвы.


— Мы запрасілі як новыя калектывы, так і тыя, чыя творчасць спадабалася магіляўчанам — гэта тэатр «Майстэрня» і «Невялікі драматычны тэатр» з Санкт-Пецярбурга, — расказаў дырэктар Магілёўскага абласнога тэатра Андрэй НОВІКАЎ. — З цікавых асоб, якія далі згоду на ўдзел у фестывалі, мы чакаем вядучых рэжысёраў і педагогаў — Льва Эрэнбурга, Рыгора Казлова, заслужаную артыстку Арменіі Нарынэ Грыгаран з бліскучым монаспектаклем. Да нас прыедзе Вялікі тэатр лялек з Санкт-Пецярбурга са сваім натхняльнікам — галоўным рэжысёрам Русланам Курашовым. Ён вязе пастаноўку «Чужы» паводле аднайменнай аповесці Альбера Камю.

Наогул, у праграме шмат класікі: Чэхаў, Мальер, Гогаль, Шварц, Шэкспір. Але гэта новыя прачытанні вядомых нам тэкстаў: падзеі там часцей за ўсё падаюцца гратэскна, нават карыкатурна.

Традыцыйна ў рамках форуму адбудуцца майстар-класы, будзе працаваць майстэрня маладой рэжысуры, пройдуць абмеркаванні пастановак з удзелам вядучых тэатразнаўцаў. Упершыню будзе прадстаўлена аж тры спектаклі на беларускай мове — гэта «Рэвізор» знакамітых рэжысёраў Мікалая Пінігіна і Дзмітрыя Цішко ў выкананні артыстаў Нацыянальнага акадэмічнага тэатра імя Янкі Купалы, пастаноўка маладога рэжысёра Камілі Хусаінавай «Жоўты пясочак» па матывах аповесці Васіля Быкава, дзе ролі выконваюць артысты Магілёўскага драмтэатра, і «Паляванне на сябе» Рэспубліканскага тэатра беларускай драматургіі.

Застаецца дадаць, што цана білетаў у гэтым годзе складае ад 10 да 35 рублёў. Набыць іх можна і праз інтэрнэт — на сайце драмтэатра размешчана спецыяльная спасылка.

Нэлі ЗІГУЛЯ

Выбар рэдакцыі

Грамадства

Чакаецца на 2—4 градусы цяплей за норму

Чакаецца на 2—4 градусы цяплей за норму

І ў трэцяй дэкадзе сакавіка ў нас захаваецца няўстойлівае з ападкамі надвор'е.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

У Пасольстве Украіны ў Беларусі прэзентавалі тэлеканал UA TV

У Пасольстве Украіны ў Беларусі прэзентавалі тэлеканал UA TV

Тэлеканал вядзе вяшчанне на тэрыторыю нашай краіны з лютага гэтага года.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.