Вы тут

Кітайска-беларускі маладзёжны форум упершыню пройдзе ў БДУ


Адпаведны дакумент падпісалі рэктар Беларускага дзяржаўнага ўніверсітэта Андрэй Кароль і рэктар Чжэцзянскага Шужэнь універсітэта Сюй Сюйчын. Падпісанне адбылося ў рамках афіцыйнага візіту беларускай дэлегацыі на чале з міністрам адукацыі Ігарам Карпенка ў Кітай для адкрыцця ў гэтай краіне Года беларускай адукацыі.


Сумеснае правядзенне маладзёжнага форуму дазволіць умацаваць супрацоўніцтва і дружалюбныя адносіны паміж дзвюма краінамі і ўніверсітэтамі, а таксама паспрыяе развіццю навуковых сувязяў паміж маладымі навукоўцамі. Форум стане ўнікальнай пляцоўкай па абмене інавацыйнымі ідэямі і тэхналогіямі ў розных навуковых галінах. Праблемнае поле ахопіць пытанні аховы навакольнага асяроддзя, інфарматыку, апрацоўку вялікіх масіваў дадзеных, стварэнне камп'ютарных праграм і сетак на аснове тэхналогій “штучнага інтэлекту” і іншыя. Мяркуецца, што маштабная падзея пройдзе ў БДУ ў маі бягучага года, а ў будучыні плануецца яго арганізацыя па чарзе раз у два гады.

Праграма візіту беларускай дэлегацыі ў Кітай уключала ўдзел яе прадстаўнікоў у канферэнцыі “Пытанні і перспектывы развіцця беларуска-кітайскіх адносін у сферы адукацыі”.  Андрэй Кароль выступіў на канферэнцыі з дакладам аб супрацоўніцтве БДУ з універсітэтамі і навукова-даследчымі арганізацыямі Кітая. Акрамя таго, адбыўся шэраг сустрэч з кіраўніцтвам кітайскіх ВНУ па пытаннях перспектыўных для ўзаемадзеяння напрамкаў.

Беларуская дэлегацыя наведала таксама цэнтр вывучэння Беларусі пры Даляньскім політэхнічным універсітэце. Акрамя таго, адбыліся перамовы кіраўніцтва БДУ і ДПУ, вынікам якіх стала падпісанне двух дакументаў. Адзін з іх прадугледжвае стварэнне сумеснага навукова-інавацыйнага цэнтра на базе Сумеснага інстытута БДУ-ДПУ, а другі — адкрыццё сумеснай адукацыйнай структуры на базе БДУ.

Надзея НІКАЛАЕВА

Выбар рэдакцыі

Грамадства

Чакаецца на 2—4 градусы цяплей за норму

Чакаецца на 2—4 градусы цяплей за норму

І ў трэцяй дэкадзе сакавіка ў нас захаваецца няўстойлівае з ападкамі надвор'е.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

У Пасольстве Украіны ў Беларусі прэзентавалі тэлеканал UA TV

У Пасольстве Украіны ў Беларусі прэзентавалі тэлеканал UA TV

Тэлеканал вядзе вяшчанне на тэрыторыю нашай краіны з лютага гэтага года.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.