21 верасня, панядзелак

Вы тут

Цікавыя словы беларускай мовы


Свой, адметны чытач у газеты «Звязда». Ён жа, хочацца верыць, глядач тэлеканала «Беларусь 3» і ў прыватнасці праграмы «Размаўляем па-беларуску». Гэтая тэлевіктарына ўжо не першы год у эфіры і магла б выходзіць далей — у звычным фармаце. Аднак стваральнікі вырашылі ўдасканаліць яго (над чым цяпер і працуюць)...


А пакуль усе, хто цікавіцца мовай, шануюць яе і, магчыма, плануюць удзел у віктарыне, могуць удасканальваць сваё веданне з дапамогай «Звязды». Рубрыка «Размаўляем па-беларуску» на звычным месцы, па пятніцах.

Ці ведалі вы, што:

абшарнік — памешчык;

вінда — прыстасаванне для пад'ёму грузаў;

выцяцца — ударыцца, стукнуцца;

душнік — адтуліна, дзірка для доступу паветра;

зіхоткі — які блішчыць, ззяе пералівістым святлом;

нэндза — 1) галеча, беднасць, 2) той, хто ўвесь час ные;

нядошлы — слабы, кволы;

склюдаваць — секучы ўдоўж, здымаць паверхневы слой (з дрэва і пад.);

сцяць — зняць, аддзяліць чым-небудзь вострым, ссячы, зрэзаць;

тронкавы (у выразе: тронкавы рухавік) — рухавік унутранага згарання тронкі — ручка нажа, відэльца;

на ўсе застаўкі — на ўсю моц, з усёй сілы (беларускія сінонімы: як ёсць духу, што моцы, колькі змогі; рускія адпаведнікі: напропалую, во всю ивановскую);

ілбом сцяну не праб'еш — пра марныя намаганні дасягнуць чаго-небудзь (беларусы яшчэ скажуць: хоць лоб і медны, але ж мур каменны; рускія: головой стены не прошибешь).

Загаловак у газеце: Ілбом сцяну не праб'еш, але выцяцца можаш

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.