Вы тут

Біятлонны комплекс пад Навагрудкам працягвае ўдасканальвацца


Яшчэ нядаўна мы пісалі, як спартыўна-біятлонны комплекс «Сялец» змяніўся ў летні перыяд. Тады на базе, дзе вырасла дастаткова шмат тытулаваных спартсменаў, было пашырана біятлоннае стрэльбішча, з'явілася 20 новых механічных установак, створаны трыбуны і пабудаваны судзейскія домікі. Пасля гэтага спартыўны аб'ект правёў І этап Кубка Беларускай федэрацыі біятлона па летнім біятлоне і працягнуў свае змены да лепшага.


У наш першы візіт дырэктар навагрудскай ДЮСШ № 1, на базе якой знаходзіцца спартыўна-біятлонны комплекс, Віктар Літвінскі казаў, што для лета база ў Сяльцы вельмі добрая, а вось у бясснежныя зімы комплексу не хапае снежнай падушкі, таму кіраўніцтва вядзе праектныя работы па далейшым развіцці спартыўнай базы. Гэтую ініцыятыву падтрымала і Федэрацыя біятлона і асабіста галоўны трэнер нацыянальнай каманды Юрый Альберс.

І вось ужо ў лістападзе ў Сяльцы пачаліся работы па ўладкаванні сістэмы штучнага снегаўтварэння. Праекціроўшчыкі не толькі ўлічылі ўсе асаблівасці ландшафту комплексу, але і вывучылі вопыт па асняжненні трасы з дапамогай снегагенератара ў «Каробчыцкім Алімпе» (Гродзенскі раён), цэнтры алімпійскай падрыхтоўкі «Раўбічы» і Наваполацку.

Асняжненне будзе ажыццяўляцца з дапамогай снегагенератара, а для яго работы патрабуюцца значныя аб'ёмы вады і электрычныя магутнасці (каб з вады атрымаўся снег, трэба пад ціскам развеяць ваду, змешаную з разраджаным паветрам). Таму работы па ўладкаванні сістэмы штучнага снегаўтварэння вядуцца адразу ў некалькіх кірунках. Навагрудскае прадпрыемства меліярацыйных сістэм праводзіць ачыстку возера, вядуцца работы па ўладкаванні сістэм водазабеспячэння і электразабеспячэння па трасе. Працягваецца ўладкаванне водапрыёмнікаў і калодзежаў для забора вады і падачы ў так званую перасоўную помпавую станцыю, а затым ужо ў снежную пушку.

Фінансаванне работ, у тым ліку закупка неабходнага абсталявання, ажыццяўляецца за сродкі раённага і абласнога бюджэту. Увогуле над добраўпарадкаваннем спартыўна-біятлоннай базы «Сялец» цяпер працуе каля 10 адзінак тэхнікі. Спецыялісты адзначаюць, што самую вялікую складанасць у працы выклікаюць рухомыя грунты і падводныя крыніцы на гэтай тэрыторыі.

Плануецца, што снегагенератар зможа распыляць ваду ў радыусе ад 5 да 40 метраў, гэта значыць штучны снег дазволіць павялічыць або з нуля стварыць снежнае покрыва патрэбнай шчыльнасці і вышыні. А гэта, у сваю чаргу, гарантуе наяўнасць снежнай трасы ў любое надвор'е, нават пры плюсавых тэмпературах. Для комплексу, дзе займаецца вялікая колькасць моладзі, гэта вельмі важна, бо пастаянны снег гарантуе рэгулярны бесперапынны трэніровачны працэс і магчымасць праводзіць у «Сяльцы» біятлонныя спаборніцтвы не толькі ў летні перыяд, а цэлы год.

Дар'я ЛАБАЖЭВІЧ

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.