Вы тут

Цярэшка зноў жэніцца


Каляднымі вечарамі на Лепельшчыне «жэняць Цярэшку» — «Жаніцьбай Цярэшкі» называюцца вясёлыя пасядзелкі з музыкай і танцамі. І моладзь, і старэйшыя збіраюцца ў адной хаце альбо вясковым клубе, выбіраюць «матулю» і «бацьку», утвараюць пары і наладжваюць ігрышча з песнямі і жартамі.


Гэтым разам мне пашчасціла быць сведкам «жаніцьбы» ў вёсцы Стаі. У хаце трактарыста мясцовага лясгаса Яўгена Дзівіна лепельскі калектыў побытавага танца «Кругаверць» і аб'яднанне жанчын «Стайскія прысмакі» наладзілі сапраўднае вяселле: гучалі народныя найгрышы, пад якія лёгка вытанцоўваліся полькі, падэспань, кракавяк, гуляліся «Ручаёк», «Вішанька», «Пацалунак». Было што паздымаць і як уволю пасмяяцца, паласавацца стравамі, якія паставілі на «вясельны» стол. Будзе што паглядзець аматарам канала «Беларусь 3»: на свяце працавала здымачная група, на наступным тыдні «Цярэшку» пакажуць на экране.

«Жаніць Цярэшку» і далей, да самага Вадохрышча, будуць у аграсядзібах, клубах і вясковых хатах: абрад вяртаецца ў побыт лепельскага краю!

Анатоль КЛЯШЧУК

Фота аўтара

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

У Пасольстве Украіны ў Беларусі прэзентавалі тэлеканал UA TV

У Пасольстве Украіны ў Беларусі прэзентавалі тэлеканал UA TV

Тэлеканал вядзе вяшчанне на тэрыторыю нашай краіны з лютага гэтага года.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.