Электрастанцыя ў космасе

Кітай прыступіў да стварэння першай у краіне эксперыментальнай базы для развіцця касмічных сонечных электрастанцый (КСЭ), перадае «Жэньмінь жыбаа» анлайн».

Пагадненне аб стварэнні гэтай базы было заключана Чунцінскім універсітэтам, Сіаньскім аддзяленнем Кітайскага даследчага інстытута касмічных тэхналогій, Сіаньскім універсітэтам электроннай навукі і тэхнікі, а таксама народным урадам раёна Бішань горада Чунцын (Паўднёва-Заходні Кітай). Таксама было вызначана месцазнаходжанне названай базы.

Ідэя касмічных сонечных электрастанцый распрацоўвалася даўно, навукоўцы займаюцца падобнымі даследаваннямі яшчэ з 60-х гадоў мінулага стагоддзя. Згодна гэтай ідэі, электрастанцыя, выведзеная на геастацыянарную арбіту, «завісне» над адной кропкай зямной паверхні, яе кругласутачна будзе асвятляць Сонца. Такім чынам, яна будзе практычна бесперапынна выпрацоўваць электраэнергію і бесправадным спосабам перадаваць яе на Зямлю.

У параўнанні з наземнымі сонечнымі электрастанцыямі эфектыўнасць работы КСЭ відавочная. Як паведаміў акадэмік Інжынернай акадэміі Кітая, прафесар Чунцінская універсітэта Ян Шычжун, калі максімальная генеравальная магутнасць з кожнага квадратнага метра сонечнай батарэі, усталяванай у паўночна-заходніх раёнах Кітая, складае каля 0,4 кВт, то ў стратасферы яна складае 7-8 кВт, а на геастацыянарнай арбіце ў 36 тыс. км ад паверхні Зямлі, можа дасягнуць 10-14 кВт.

Зараз уласныя праграмы па развіцці КСЭ вылучылі Кітай, ЗША і Японія, але ўсе яны знаходзяцца на стадыі фундаментальных даследаванняў. Па паведамленні акадэміка Акадэміі навук Кітая, начальніка навукова-тэхналагічнага камітэта Кітайскай карпарацыі касмічных тэхналогій Баа Вэйміня, для стварэння КСЭ неабходна вырашыць тры ключавых пытанні: як вывесці з дапамогай ракеты-носьбіта генератарныя ўстаноўкі на геастацыянарную арбіту і зманціраваць іх, як перадаваць электраэнергію з КСЭ на Зямлю і як забяспечыць бяспеку працы КСЭ і бяспеку навакольнага асяроддзя. «Пакуль усе гэтыя праблемы знаходзяцца на этапе фундаментальных даследаванняў», - заўважыў акадэмік.

Як прадугледжваецца ў пагадненні, у перыяд 2019-2020 гг. у раёне Бішань горада Чунцын будуць пабудаваны інфраструктурныя аб'екты эксперыментальнай базы, уключаючы палігон для запуску, павільён для правядзення выпрабаванняў платформы шароў-зондаў, лабараторны корпус і жалезную вежу. Агульны аб'ём асігнаванняў у іх будаўніцтва складзе 200 млн юаняў (каля 29 мільёнаў долараў). На гэты перыяд таксама запланавана правядзенне эксперыментаў па перадачы электраэнергіі мікрахвалевым метадам з платформы, якая знаходзіцца на вышыні 50-300 метраў. У перыяд 2021-2025 гг. будзе пабудавана КСЭ ў стратасферы і ажыццёўлена выпрацоўка электраэнергіі на гэтай станцыі. Пасля 2025-га пачнецца праца па стварэнні і эксплуатацыі буйной КСЭ.