Што такое цурок?

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго як праграма выйшла ў эфір, можна з дапамогай «Звязды».

пахо́дня (устарэлае) — пераносны ліхтар, факел;
цуро́к — невялікі струменьчык вады;
схо́дны (прым.) — выгадны;
ядва́бны (прым.) — шаўковы;
па́церы — малітва;
скры́ль — вялікі кусок чаго-небудзь ядомага;
малая сошка — нязначны, малаважны, неўплывовы чалавек (беларускія сінонімы: гарэлы блін, пятае кола ў возе; рускія адпаведнікі: отставной козы барабанщик, пришей кобыле хвост);
абы дзень да вечара — нядбала, неакуратна, абы-як, без ахвоты працаваць, нешта рабіць (беларусы яшчэ скажуць: абы з рук, цераз пень калоду; рускія: спустя рукава, лишь бы с рук).