Напярэдадні Каляд рабіць добрыя справы і адорваць сваёй увагай і клопатам тых, хто ў гэтым па-сапраўднаму мае патрэбу асабліва важна. У рамках 15-га Каляднага міжнароднага турніру аматараў хакея на прыз Прэзідэнта Рэспублікі Беларусь сёмы раз адбудзецца дабрачынная акцыя «Калядная традыцыя».
Каманды-ўдзельніцы хакейнага турніру ў суботу наведаюць дзіцячы дом № 7 «Сем Я» ў Мінску, дзе пражываюць 63 дзіцяці ад 3 да 18 гадоў. Установе ўжо пералічана матэрыяльная дапамога ад Прэзідэнцкага спартыўнага клуба і Федэрацыі хакея на агульную суму 32 тысячы рублёў. Выхаванцы дзіцячага дома таксама атрымаюць падарункі ад усіх дванаццаці камандаў-удзельніц і запрашэнні на фінальны матч. Звычайна гэта мерапрыемства не абыходзіцца без танцаў, песень, усмешак, добрых слоў і пажаданняў.
Нагадаем, акцыя «Калядная традыцыя» ўпершыню прайшла падчас 9-га Каляднага міжнароднага турніру аматараў хакея і з таго часу стала ўжо традыцыйнай.
Дар'я ЛАБАЖЭВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.
