Вы тут

Віцяблянка выйграла ў расійскім «Што? Дзе? Калі?» амаль $6000


Віцяблянка Паліна Ігнацьева-Крук выйграла ў знаўцаў "Што? Дзе? Калі?" 401 тысячу расійскіх рублёў, або 5820 даляраў. Фінал года выйшаў у эфір "Першага канала" ў ноч з 23 на 24 снежня.


 1tv.ru

Паліна задала пытанне аб англійскай карыкатуры XIX стагоддзя, прысвечанай Расіі. На ёй ёсць рускі мядзведзь, рускі казак, рускі мужык, рускі пасол і Аляксандр I. Знаўцы павінны былі здагадацца: як аўтар карыкатуры назваў цэнтральнага персанажа ў верхнім шэрагу?

Знаўцы адказалі "французскі салдат". Правільны адказ быў іншым "рускі мароз" (увага! спойлер! каб даведацца, вылучыце тэкст мышкай). Выйгрыш Паліны Ігнацьевай-Крук склаў 401 тысячы расійскіх рублёў, або 5820 даляраў.

 1tv.ru

У эфіры АНТ гульню знаўцаў супраць віцяблянкі і іншых тэлегледачоў можна будзе ўбачыць 30 снежня ў 23.15.

Пытанні Паліны Ігнацьева-Крук як мінімум восем разоў гулялі ў беларускім элітарным "Што? Дзе? Калі?". Чатыры разы яна выйгравала, а яшчэ чатыры разы - саступала знаўцам. У кастрычніку 2018 года яе пытанне выпала у 13 сектары расійскага тэлешоў і прынясло ёй перамогу.

Жыхарам паўночнага рэгіёну Беларусі ўвогуле шанцуе ў "Што? Дзе? Калі?". У студзені 2017 года віцяблянка Алеся Арцюхоўская выйграла ў знаўцаў амаль 7 тысяч даляраў, спытаўшы пра прадпрымальнікаў.

У снежня 2015 года палачанка Марына Варабей зарабіла ў інтэлектуальным клубе больш за 7 тысяч даляраў. Яна задала ім пытанне аб 10 правілах Альберта Эйнштэйна, якія навуковец рэкамендаваў выкарыстоўваць у паўсядзённым жыцці. Палачанка выйгравала ў гульні чатыры разы.

А віцяблянка Іна Лісава ў 2012 годзе выйграла супербліц у знаўцы клуба "Што? Дзе? Калі?" Аляксандра Друзя. Мэтр спатыкнуўся на пытанні: "Што азначае, калі акцёр Пекінскай оперы прысядае з лапаткай у руках, імітуючы вялікае напружанне?" - "Яму капае", - адказаў Друзь. А на самай справе гэта значыць, што герой плыве на лодцы. Прызам для Іны тады стала падарожжа на ледаколе на Паўночны полюс.

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.