Сустрэць свята ў суправаджэнні не проста добрай, а праверанай часам і пакаленнямі слухачоў музыкі прапануе гледачам сацыякультурны канал «Беларусь 3». Святочная канцэртная праграма, якая выйдзе ў эфір у двух аддзяленнях 31 снежня і 1 студзеня, так і называецца — «Новы год у класічным стылі».
Сімфанічны аркестр Белтэлерадыёкампаніі пад кіраўніцтвам Аляксандра Сасноўскага сабраў у адной студыі цэлае сузор'е вядомых беларускіх артыстаў оперы і аперэты. Так, разам з аркестрам і хорам выступілі салісты Вялікага тэатра Беларусі, заслужаныя артысты краіны Аксана Волкава, Алена Сало і Алена Шведава, народны артыст Беларусі Уладзімір Пятроў, артысты музычнага тэатра Мікалай Русецкі і Наталля Дзяменцьева, артысты тэатра «Тэрыторыя мюзікла», джазавы калектыў Jazzology, а таксама фіналісты сёлетняга чэмпіянату Беларусі па спартыўных бальных танцах Ангеліна Міхайлава і Віталь Вайцяшонак.
Вікторыя ЗАХАРАВА
Мерапрыемства праводзіцца на добраахвотнай аснове.
Не выявіць ні секунды абыякавасці.