Стаўка рэфінансавання і працэнтныя стаўкі па аперацыях рэгулявання ліквіднасці Нацыянальнага банка захоўваюцца на бягучым узроўні. Дадзенае рашэнне прынята праўленнем Нацыянальнага банка Беларусі па выніках пасяджэння па грашова-крэдытнай палітыцы 19 снежня, паведамілі БЕЛТА ва ўпраўленні інфармацыі і грамадскіх сувязей Нацбанка.
Па выніках 2018 года прырост спажывецкіх цэн не перавысіць 5,5% пры мэтавым паказчыку не больш за 6%. "Развіццё беларускай эканомікі адбываецца ва ўмовах няўстойлівасці знешняй кан'юнктуры. З боку вонкавага сектара праглядаецца часовае ўзмацненне інфляцыйнага ціску, звязанага ў першую чаргу з паскарэннем інфляцыі ў Расіі", - растлумачылі ў Нацбанку.
Эканоміка Беларусі расце тэмпамі, блізкімі да збалансаваных. Манетарныя ўмовы знаходзяцца паблізу нейтральнага ўзроўню.
У пачатку 2019 года чакаецца часовае паскарэнне інфляцыі ў сілу ціску з боку кан'юнктурных фактараў, а таксама росту цэн на імпартныя тавары і паслугі. Па меры вычарпання дадзеных эфектаў прагназуецца паступовае запаволенне тэмпаў росту спажывецкіх коштаў. Па выніках 2019-2020 гадоў інфляцыя складзецца блізкай да ўстаноўленай мэты ў 5%.
"Часовы характар інфляцыйных фактараў і ўмераная велічыня бягучых рызык дазваляюць захаваць працэнтныя стаўкі ў эканоміцы на бягучым узроўні", - канстатавалі ў Нацбанку.
Наступнае пасяджэнне праўлення Нацбанка па грашова-крэдытнай палітыцы запланавана на 6 лютага 2019 года.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
