Кітайскія навукоўцы абвясцілі аб паспяховым тэставанні ключавых тэхналогій, якія забяспечваюць "мяккую пасадку" буйнагабарытных касмічных апаратаў, перадае "Жэньмінь жыбаа" анлайн".
Тэхналогіі паспяхова прайшлі праверку ў рамках тэставання парашутнай сістэмы вельмі вялікіх памераў і іншых установак для пасадкі касмічнага апарата, паведамілі ў інстытуце Кітайскага аб'яднання касмічных тэхналогій. Спушчальны апарат серыі касмічных караблёў "Шэньчжоў" важыць 3,5 тоны, а новыя тэхналогіі дазволяць павялічыць гэтую лічбу да звыш 7 тон, дасягаючы ўзроўню спушчальных модуляў амерыканскіх касмічных караблёў "Арыён" і CST-100, растлумачылі навукоўцы.
Для прызямлення спушчальнага апарата "Шэньчжоў" прымяняецца адзін асноўны парашут, а ў новай парашутнай сістэме - пяцікупальны, уключаючы два тармазных і тры асноўных парашута, распавёў супрацоўнік інстытута Лэй Цзянлі. Паводле яго слоў, стропы парашутнай сістэмы выраблены з новага матэрыялу. Па трываласці ён у чатыры разы перавышае існуючы, а па вазе складае толькі 60 працэнтаў ад цяперашняга.
Пры гэтым навукоўцы распрацавалі таксама высокаадчувальны датчык, які дазволіць вырашыць праблемы кіравання "мяккай пасадкай". Новыя тэхналогіі, на думку экспертаў, служаць тэхнічнай асновай для ажыццяўлення пілатуемай місіі на Месяц, вяртання ракеты-носьбіта і дэсантавання цяжкай паветрана-дэсантнай тэхнікі.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
