У Мінску праваахоўнікі затрымалі раней судзімага 19-гадовага жыхара Магілёўскай вобласці, які, скарыстаўшыся скрадзеным ключом, сагнаў аўтамабіль “Пежо”, што належаў юрыдычнай асобе.
Гэтае аўто належыць арганізацыі, у якой хлопец неафіцыйна працаваў, паведамілі ў Кастрычніцкім РУУС г. Мінска. Затрыманы патлумачыў, што пасля заканчэння працоўнага дня яму патэлефанаваў сябар і прапанаваў выпіць піва прама на рабоце. Праз нейкі час прагучала прапанова пакатацца на службовым аўтамабілі. Сябар пачаў адгаворваць ад гэтай ідэі, але “прымаючы бок” настойваў. Маючы доступ у кабінет дырэктара фірмы, хлопец скраў адтуль ключы ад машыны. Пазней, рухаючыся па закрытай тэрыторыі, малады чалавек здзейсніў ДТЗ, у выніку якога былі пашкоджаны тры аўтамабілі, у тым ліку той, на якім катаўся работнік нападпітку. На наступны дзень ён сам ва ўсім прызнаўся дырэктару фірмы, а той адразу ж звярнуўся ў міліцыю. За згон малады чалавек можа атрымаць пакаранне ў выглядзе штрафу ці папраўчых работ на тэрмін да двух гадоў, або арышту, ці абмежавання волі на тэрмін да пяці гадоў, ці пазбаўлення волі на той жа тэрмін.
Сяргей РАСОЛЬКА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.