У Мінску амаль 1,9 тысячы шматдзетных сем'яў змогуць пабудаваць жыллё ў 2019 годзе.
У праект інвестыцыйнай праграмы Мінска на 2019 год закладзены сродкі, якія пасадзейнічаюць будаўніцтву жылля для 1896 шматдзетных сем'яў. Аб гэтым паведаміў учора старшыня камітэта будаўніцтва і інвестыцый Мінгарвыканкама Дзмітрый Гурыненка на аператыўнай нарадзе ў мэрыі, перадае карэспандэнт БелТА.
«На аб'екты інжынерна-транспартнай інфраструктуры праектам інвестыцыйнай праграмы на 2019 год прадугледжана Br172 млн. Гэтыя сродкі дапамогуць выканаць гадавое заданне па забеспячэнні жыллём 1896 шматдзетных сем'яў. Цяпер камітэтам будаўніцтва рыхтуецца праект рашэння Мінгарвыканкама па ўводзе жылых дамоў у 2019 годзе», — сказаў Дзмітрый Гурыненка.
Асноўнай тэрыторыяй, якая асвойваецца для ўзвядзення жылля, ён назваў Фрунзенскі раён сталіцы. Тут плануецца забудоўваць участкі на месцы былой вёскі Сухарава, вайсковай часці ў Масюкоўшчыне. У Ленінскім раёне пачнецца актыўная фаза асваення мікрараёнаў Лошыца-5, Лошыца-6, Лошыца-8/1, Лошыца-9, у Заводскім — раён вуліц Шышкіна, Бабушкіна і інш.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
