Вы тут

Паслугі пошты і электрасувязі падаражэюць


Гэта прадугледжана пастановай Міністэрства антыманапольнага рэгулявання і гандлю № 84 ад 27 лістапада 2018 года. Каментуючы згаданы дакумент, у міністэрстве нагадалі, што паслугі электрасувязі і паштовай сувязі з'яўляюцца сацыяльна значнымі, і тарыфы на іх рэгулююцца дзяржавай.


Нягледзячы на мерапрыемствы, якія праводзяцца аператарамі сувязі па зніжэнні сабекошту паслуг, яны ўсё роўна застаюцца стратнымі. Узровень кампенсацыі насельніцтвам паслуг тэлефоннай сувязі не перавышае 90 %, паштовай сувязі — 85 %. Таму прынятае рашэнне аб павышэнні тарыфаў з'яўляецца крокам да выхаду на поўную акупнасць гэтых паслуг.

Тарыфы на паслугі электрасувязі агульнага карыстання павысяцца ў наступных памерах: абаненцкая плата за асноўны тэлефон для фізічных асоб — на 27 капеек у месяц; пачасовая плата за мясцовыя тэлефонныя злучэнні для фізічных асоб — на 0,05 капейкі за хвіліну; пачасовая плата за міжгароднія тэлефонныя злучэнні — на 0,1 капейкі за хвіліну для фізічных асоб і на 0,11 капейкі за хвіліну для юрыдычных асоб і індывідуальных прадпрымальнікаў. Павышэнне тарыфаў складзе ад 7,3 % да 9,6 %.

Што датычыцца паслуг паштовай сувязі, то перасылка фізічнымі асобамі простай паштовай карткі, ліста, бандэролі вагой да 20 грамаў падаражэе на 6 капеек, ці на 14,3 %; перасылка кожных наступных 20 грамаў паштовых адпраўленняў — на 1 капейку, або на 33, 2 %. Павышэнне тарыфаў на паштовыя паслугі для юрыдычных асоб і індывідуальных прадпрымальнікаў прадугледжана ў тых жа памерах.

Новыя тарыфы пачнуць дзейнічаць з 16 снежня 2018 года.

Разам з тым у рамках падрыхтаванага праекта Закона «Аб натуральных манаполіях» Міністэрства антыманапольнага рэгулявання і гандлю прапанавала выключыць паслугі электрасувязі і паштовай сувязі са сфер натуральных манаполій. Гэта азначае адмену прамога цэнавага рэгулявання і развіццё канкурэнцыі ў гэтых сферах.

Надзея НІКАЛАЕВА

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.