Брастаўчанін паспрабаваў абрабаваць інкасатара з дапамогай электрашокера.
Інцыдэнт адбыўся на праспекце Машэрава каля аддзялення Парытэтбанка. Зламыснік чакаў каля абменнага пункта, пакуль інкасатары забяруць выручку. І калі адзін з іх выйшаў з памяшкання, рабаўнік напаў на яго, ударыў шокерам, паспрабаваў выхапіць сумку. Але каштоўны груз інкасатар не аддаў, падчас валтузні з сумкі выпаў пачак грошай, зламыснік схапіў яго і спрабаваў уцячы. Тады супрацоўнік выстраліў у паветра.
Тым часам кіроўца-інкасатар паехаў за злодзеем і затрымаў яго. Як паведаміў афіцыйны прадстаўнік абласнога ўпраўлення ўнутраных спраў Сяргей ДУЧЭНКА, нападнікам аказаўся 33-гадовы гараджанін, раней не судзімы. Матывы яго ўчынку высвятляюцца, яму пагражае вялікі тэрмін пазбаўлення волі.
Святлана ЯСКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».