Вы тут

У другой палове тыдня пахаладае. Уначы — да мінус 18 градусаў


У апошнія дні лістапада тэрыторыя краіны апынецца пад уплывам скандынаўскага антыцыклону, сфарміраванага ў халоднай паветранай масе. Будзе пераважна без ападкаў, але чакаецца марознае надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У сераду будзе без істотных ападкаў. На некаторых участках дарог захаваецца галалёдзіца. Тэмпература паветра ўначы будзе ад мінус 5 да мінус 11 градусаў, пры праясненнях яна апусціцца да 14 марозу. Удзень, па падліках сіноптыкаў, будзе ад мінус 1 да мінус 7 градусаў. Без істотных ападкаў прагназуецца і чацвер. На асобных участках дарог магчыма галалёдзіца. Тэмпература паветра ўначы складзе 8—15 марозу, месцамі паветра астудзіцца да мінус 18 градусаў, днём будзе мінус 2—9 градусаў.

Паводле папярэдніх прагнозаў айчынных сіноптыкаў, у пятніцу зноў будзе без ападкаў. На асобных участках дарог магчыма галалёдзіца. Тэмпература паветра ўначы складзе ад мінус 7 да мінус 14 градусаў, па ўсходзе — 15—18 марозу. Удзень чакаецца 2—8 градусаў ніжэй за нуль.

Сяргей КУРКАЧ

Загаловак у газеце: Суха і марозна

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».