Другі рэспубліканскі кангрэс «Мама Pro», які аб’яднаў бацькоў і тых, хто плануе імі стаць, а таксама адмыслоўцаў аховы здароўя, прайшоў у гасцініцы «Вікторыя Алімп». Мэта праекта – даць магчымасць бацькам задаць пытанні медыкам і атрымаць кваліфікаваныя адказы.
Адкрываючы кангрэс, намеснік старшыні Мінгарвыканкама Ігар Юркевіч адзначыў важнасць правядзення такіх мерапрыемстваў:
— За дзевяць месяцаў у Мінску нарадзілася 13364 дзіцяці. Таксама на сённяшні дзень у сталіцы пражывае больш за 14 тысяч шматдзетных сем’яў. Але гэта толькі пачатак. Мінск чакае нараджэння двухмільённаха жыхара, якому будзе падаравана кватэра,– адзначыў Ігар Юркевіч.
У ліку ганаровых гасцей заслужаны майстар спорта Беларусі, шматразовы прызёр Алімпійскіх гульняў Аляксандра Герасіменя:
— Нядаўна мне пашчасціла стаць маці. З нараджэннем дзіцяці з’явілася шмат пытанняў, на якія я жадала бы сёння атрымаць адказы спецыялістаў. Дзякуй, што ёсць такія мерапрыемствы, на якіх кожная маці мае магчымасць атрымаць кваліфікаванную дамамогу.
Мерапрыемства было падзелена на некалькі блокаў: гэта і лекцыйныя выступы, размовы з лекарамі, а таксама разнастайныя гульні і квэсты.
Андрэй САЗОНАЎ
Фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.