Вы тут

Euronews пакажа відэаролікі аб турыстычным патэнцыяле Беларусі


Міністэрства спорту і турызму і тэлеканал Euronews падрыхтавалі відэаролікі аб турыстычным патэнцыяле Беларусі, паведамляе БЕЛТА.


Пагадненне аб размяшчэнні сюжэтаў пра Беларусь у эфіры тэлеканала падпісалі сёння ў Мінску кіраўнік спартыўнай галіны Сяргей Кавальчук і дырэктар па міжнародных продажах Euronews К'ел Штайн. Дагаворам прадугледжана трансляцыя пяці відэаролікаў аб турыстычным патэнцыяле краіны, створаных па заказе Нацыянальнага агенцтва па турызме Беларусі. Тэлегледачы Euronews змогуць убачыць відэаматэрыялы на працягу тыдня лістапада і двух першых тыдняў снежня бягучага года. 

"Упершыню падпісваем пагадненне з такой вялікай тэлекампаніяй, якая зможа расказаць пра Беларусь больш як 400 млн тэлегледачоў. Спадзяюся, гэта пагадненне стане першым крокам у наладжванні шырокамаштабнага інфармацыйнага супрацоўніцтва Euronews з Беларуссю", - сказаў Сяргей Кавальчук.

У міністэрстве адзначылі, што канструктыўнае ўзаемадзеянне з лідарамі інфармацыйнага тэлевяшчання ў Еўропе акажа значны эфект на папулярызацыю турыстычнага патэнцыялу Беларусі ва ўсім свеце.

Euronews - самы рэйтынгавы канал навін у Еўропе, які ахоплівае 412 млн дамашніх гаспадарак у 167 краінах пры дапамозе кабельнага, спадарожнікавага і наземнага вяшчання.

Выбар рэдакцыі

Грамадства

Магілёўская вобласць ушанавала лідараў уборачнай кампаніі

Магілёўская вобласць ушанавала лідараў уборачнай кампаніі

У Дзень работнікаў сельскай гаспадаркі і перапрацоўчай прамысловасці АПК.

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».