Калі ў нас засохла гэтае дрэўца, я — шчыра скажу — плакала, так мне шкода было.
Назву яно атрымала таму, што яго плады густа абляпляюць канцы галінак.
Абляпіха шырока распаўсюджана ў многіх краінах, у нас, у Беларусі, яе лепш за ўсё высаджваць на схілах, там, дзе выпадае больш вільгаці. Каб дрэўца вырасла ўраджайным, пры пасадцы трэба пакласці пад карані з вядзерца перагною, дзве-тры сталовыя лыжкі калійна-фосфарнага ўгнаення. І паліваць два разы на тыдзень, пакуль яно не набярэ сілу.
Абляпіха вельмі багатая на аскарбінавую і фоліевую кіслату, на вітаміны. У галінках яе выяўлена высокае ўтрыманне дубільнага рэчыва.
Цвіце абляпіха ў красавіку—маі, плады паспяваюць у верасні—кастрычніку. Іх можна захоўваць у замарожаным выглядзе, гатаваць варэнне, джэмы, сокі, кампоты... Са свежых пладоў гатуюць абляпіхавы алей. Ён садзейнічае загойванню ран, суцішае боль, выкарыстоўваецца ў якасці прафілактычнага сродку пры прамянёвых і іншых пашкоджаннях скуры, апёках, пролежнях і г. д. Іншымі словамі, абляпіха аблягчае і падаўжае жыццё чалавека. А найлепшы тэрмін для яе пасадкі — лістапад.
Вера Сазонава, г. Мінск
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
