17 лістапада каля 200 студэнтаў Белдзяржуніверсітэта змогуць бясплатна наведаць каток спартыўна-забаўляльнага комплексу “Мінск-Арэна”. На лядовай пляцоўцы юнакоў і дзяўчат павіншуюць кіраўніцтва БДУ, а таксама свае анлайн-віншаванні перададуць студэнты з ВНУ Германіі, Кітая, Польшчы, Азербайджана, Анголы, Іспаніі, Вялікабрытаніі і Чэхіі.
Для ўдзельнікаў святочнай акцыі падрыхтавана забаўляльная праграма. Яна ўключае выступленні прафесійных спартсменаў Нацыянальнай зборнай Беларусі па фігурным катанні і каманды хакейнага клуба “Дынама-Мінск”. Усіх чакаюць розыгрышы і конкурсы, віктарыны, а таксама музычны канцэрт, падрыхтаваны творчымі калектывамі БДУ.
У рамках урачыстасці адбудзецца таксама ўзнагароджанне найлепшых студэнтаў за актыўны ўдзел у прафсаюзнай дзейнасці ўніверсітэта. Арганізатарам мерапрыемства выступіла Першасная прафсаюзная арганізацыя студэнтаў БДУ.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
