Вы тут

Балтыка прынясе нам мокры снег


Невялікі мінус месцамі па краіне чакаецца ў нас нават днём.

Сёння днём мы будзем знаходзіцца на стыку двух атмасферных утварэнняў — халоднага антыцыклону з цэнтрам над Паволжам і цыклону над Вялікабрытаніяй. Іх проціборства будзе праяўляцца ва ўзмацненні ветру і паніжэнні камфортнасці надвор'я. У нашай краіне будзе воблачна і пераважна без ападкаў, толькі ў асобных раёнах па паўночным захадзе магчымы невялікія ападкі, у асноўным у выглядзе дажджу, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Вецер прагназуецца паўднёвы парывісты, у асобных раёнах моцны парывісты. Максімальная тэмпература паветра ў аўторак у сярэдзіне дня — ад нуля да плюс 6 градусаў. У заходніх раёнах будзе цяплей — 7—10 цяпла. У сераду краіна апынецца пад уплывам актыўнага атмасфернага фронту, які перамяшчаецца з боку Балтыйскага мора. У многіх раёнах чакаюцца ападкі ў выглядзе дажджу і мокрага снегу. Па ўсходняй палове краіны месцамі магчымы галалёд, наліпанне мокрага снегу. Вецер прагназуецца пераменных напрамкаў, умераны, уначы парывісты. Тэмпература паветра ўначы складзе ад мінус 4 градусаў да плюс 3 градусаў, па захадзе — 4—7 цяпла. Удзень будзе ад мінус 2 градусаў па ўсходзе і да плюс 9 градусаў па захадзе краіны.

У чацвер умовы надвор'я ў асноўным будзе вызначаць вільготная няўстойлівая паветраная маса. Ападкаў стане менш. У асобных раёнах згусцяцца туманы, месцамі магчымы слабы галалёд. Вецер прагназуецца няўстойлівы, ад слабага да ўмеранага. Тэмпература паветра ўначы складзе ад мінус 2 да плюс 5 градусаў, па ўсходзе — да 4 марозу. Удзень будзе ад мінус 2 градусаў па ўсходзе, да плюс 8 градусаў па захадзе краіны. Такі тэмпературны рэжым адпавядае кліматычнай норме.

У пятніцу і суботу чакаюцца самыя халодныя ночы на гэтым тыдні. Цыклоны і актыўныя франтальныя раздзелы будуць далёка ад нашай краіны. Таму ў шматлікіх рэгіёнах без ападкаў, толькі ў асобных раёнах па поўначы краіны магчымы невялікія кароткачасовыя ападкі. Месцамі туманы, уначы і раніцай магчымы слабы галалёд. Тэмпература паветра ўначы складзе ад мінус 2 да плюс 4 градусаў, а па паўднёвым усходзе, дзе чакаюцца больш працяглыя праясненні, паветра будзе паніжацца да 3—6 марозу. Удзень будзе ад мінус 1 па ўсходзе да плюс 6 градусаў у заходніх раёнах краіны.

Паводле папярэдніх прагнозаў айчынных сіноптыкаў, у нядзелю пераважна па ўсходняй частцы краіны пройдуць кароткачасовыя ападкі ў выглядзе дажджу і мокрага снегу. Уначы і раніцай у асобных раёнах чакаюцца слабы туман і галалёд. Тэмпература паветра ўначы складзе ад мінус 2 градусаў да плюс 5 градусаў, удзень — ад нуля да 7 цяпла.

Сяргей КУРКАЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.