Дзівосы шанхайскага ЭКСПА

12.11.2018 11:40
У свеце, Весткі з Кітая

У Шанхаі на мінулым тыдні прайшла першая Кітайская міжнародная імпартная ЭКСПА, на якой былі прадстаўлены самая перадавая прадукцыя і новыя тэхналогіі з усяго свету. Сярод іх ёсць экспанаты, якія заслугоўваюць асаблівай увагі. Топ-9 ад “Жэньмінь жыбаа” анлайн”.

Самы элегантны экспанат: туфлі з ружовых дыяментаў

Першыя ў свеце туфлі з каштоўных камянёў, складзеныя з 10 тысяч ружовых дыяментаў коштам 30 млн юаняў.

Самы вялікі экспанат: плоска-фрэзерны станок «Сузор'е Цяляці»

Гэты экспанат быў самым буйным на выставе. Яго габарыты: 20 метраў у даўжыню, 10 м у шырыню, 8 м у вышыню, плошча - 20 кв. м, вага - 200 тон. Станок можа апрацоўваць дэталі рознай складанасці і выкарыстоўваецца ў аэракасмічнай галіне, аўтамабілебудаванні.

Самы маленькі экспанат: мікрікардыястымулятар

Мікракадыястымулятар знаходзіўся ў аддзеле з медыцынскім абсталяваннем. Яго вага роўная ўсяго 2 грама, а памер складае прыкладна 1/10 ад звычайнага кардыястымулятара і нагадвае вітамінную капсулу.

Самы дарагі экспанат: верталёт Leonardo

Верталёт італьянскай кампаніі Leonardo Helicopters серыі AW189 каштуе парадку 200 млн юаняў. На ЭКСПА яго ўпершыню прадэманстравалі публіцы.

Самы яркі экспанат: лятаючы аўтамабіль

У аўтамабільным аддзеле ЭКСПА былі выстаўлены самыя перадавыя распрацоўкі гэтай галіны. Сярод іх экспанатам, які прыцягнуў найбольшую ўвагу, стаў лятаючы аўтамабіль, распрацаваны славацкай кампаніяй. Яго кошт роўны прыкладна за 1,2 млн - 1,5 млн еўра.

Самы “круты” экспанат: “танцуючыя акуляры"

Італьянскі модны брэнд Nannini ўпершыню прадставіў новую распрацоўку акуляраў, якія могуць “хадзіць”, “танчыць” і змяняць форму. Лінзы, аправа і дужка здольныя адвольна паварочвацца на 360 градусаў і складвацца, ператвараючыся ў 9-міліметровыя акуляры. Па словах вышэйшага кіраўніцтва кампаніі Nannini, гэтыя акуляры былі спецыяльна створаны для кітайскага рынку.

Самы “няшны” экспанат: Цзіньбаа з кубікаў LEGO

Панда Цзіньбаа - афіцыйны талісман ЭКСПА, у гонар якога кампанія LEGO выклала кубікамі сцяну плошчай 7 кв. м. Для гэтага былі выкарыстаныя 112 тыс. кубікаў LEGO, а над выбудоўваннем сцены 8 работнікаў шчыравалі 4 дні.