25 верасня, пятніца

Вы тут

Лукашэнка прыняў удзел у саміце Арганізацыі Дагавора аб калектыўнай бяспецы


Учора Прэзідэнт Беларусі Аляксандр Лукашэнка прыняў удзел у саміце Арганізацыі Дагавора аб калектыўнай бяспецы.

Маштабнае мерапрыемства сустракала Астана, сталіца Казахстана. Пасля цырымоніі прывітання і фатаграфавання кіраўнікоў дзяржаў — удзельніц арганізацыі пачалася сесія Савета калектыўнай бяспекі ў вузкім складзе. Цэнтральныя пытанні сустрэчы — праблемы міжнароднай і рэгіянальнай бяспекі і ўзаемадзеяння ў фармаце арганізацыі на міжнароднай арэне. Пасля адбылося пленарнае пасяджэнне, на якім удзельнікі заслухалі інфармацыю аб бягучай дзейнасці АДКБ, выкананні ранейшых рашэнняў, а таксама аб прыярытэтных кірунках дзейнасці ў наступны перыяд старшынства ў арганізацыі Кыргызстана.


Напярэдадні абмеркавання пытанняў на ўзроўні кіраўнікоў дзяржаў у першай палове дня 8 лістапада ў Палацы Незалежнасці прайшло сумеснае пасяджэнне Савета міністраў замежных спраў, Савета міністраў абароны і Камітэта сакратароў саветаў бяспекі АДКБ.

Асноўная частка пасяджэння прайшла ў закрытым фармаце. Як паведамілі ў прэс-службе МЗС Беларусі, у сваім выступленні міністр замежных спраў Уладзімір Макей прадставіў пазіцыю нашай краіны па асноўных праблемах глабальнай і рэгіянальнай бяспекі, падкрэсліў важнасць калектыўных дзеянняў для вырашэння задач, якія стаяць перад арганізацыяй, выказаў прапановы па ўдасканаленні знешнепалітычнага ўзаемадзеяння дзяржаў — членаў АДКБ.

У выніку саміту ў Астане былі прыняты важныя для АДКБ рашэнні. Атрымалі прававое афармленне статусы назіральніка і партнёра арганізацыі. Кіраўнікі дзяржаў таксама прынялі рашэнне аб палажэнні аб Цэнтры крызіснага рэагавання АДКБ. Дакументам вызначаны арганізацыйныя і прававыя асновы дзейнасці гэтай структуры.

Лідары краін падпісалі дэкларацыю Савета калектыўнай бяспекі, якая з'яўляецца галоўным выніковым дакументам саміту. У ім адлюстраваны сумесныя пазіцыі кіраўнікоў дзяржаў па актуальных пытаннях міжнароднага парадку дня ў сферы бяспекі, задачы арганізацыі на наступны перыяд. Вынікам саміту таксама стала прыняцце заявы аб скаардынаваных мерах у адносінах да асоб, якія ўдзельнічалі ва ўзброеных канфліктах на баку міжнародных тэрарыстычных арганізацый.

Падпісаны рашэнні, якія датычацца пытанняў арганізацыі кіравання войскамі (калектыўнымі сіламі) АДКБ, работы Каардынацыйнага савета кіраўнікоў кампетэнтных органаў па процідзеянні незаконнаму абароту наркотыкаў, плана дзеянняў па развіцці калектыўнай сістэмы процідзеяння незаконнай міграцыі на перыяд да 2025 года і плана мерапрыемстваў па развіцці скаардынаванай інфармацыйнай палітыкі ў інтарэсах дзяржаў — членаў АДКБ. Акрамя таго, прыняты рашэнні, якія датычацца бягучай дзейнасці арганізацыі, уключаючы кадравыя, арганізацыйныя і фінансавыя аспекты.

Старшынства ў арганізацыі на наступны міжсесійны перыяд перайшло Кыргызстану. Рашэнне аб прызначэнні новага генеральнага сакратара АДКБ адкладзена да наступнай сустрэчы прэзідэнтаў, якая павінна адбыцца ў снежні ў Санкт-Пецярбургу.

Паводле БелТА

Загаловак у газеце: Час важных рашэнняў

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.