Вы тут

У Венгрыі пачынае работу сумесная з Беларуссю будаўнічая кампанія


Аб гэтым паведаміў намеснік міністра замежных спраў нашай краіны Алег Краўчанка па выніках пасяджэння беларуска-венгерскай міжурадавай камісіі па эканамічным супрацоўніцтве.


Працягнуць пазітыўныя тэндэнцыі ва ўзаемадзеянні дзвюх краін плануюць за кошт распрацоўкі новых кірункаў. Такім з'яўляецца будаўніцтва. Сумесная кампанія «Белмастбуд» створана ў ліпені гэтага года згодна з пагадненнем аб супрацоўніцтве «Белбудцэнтра» і Венгерскай будаўнічай канфедэрацыі. Новае прадпрыемства плануе выходзіць на рынак жыллёвага і прамысловага будаўніцтва ў Венгрыі.

Сур'ёзным прарывам, па словах Алега Краўчанкі, з'яўляецца завяршэнне работы над міжурадавым пагадненнем аб садзейнічанні ажыццяўленню і ўзаемаабароне інвестыцый.

— Заключэнне дадзенага пагаднення паслужыць дадатковым стымулам для пачатку рэалізацыі сумесных праектаў на тэрыторыях нашых дзяржаў, — акцэнтаваў увагу намеснік кіраўніка знешнепалітычнага ведамства Беларусі.

Па традыцыі, сумесна з пасяджэннем камісіі адбыўся беларуска-венгерскі бізнес-форум. Арганізатарамі выступілі гандлёва-прамысловыя палаты краін. Удзел у мерапрыемстве ўзялі 50 кампаній з абодвух бакоў.

Марыя ДАДАЛКА

Загаловак у газеце: Ад Свіслачы да Дуная

Выбар рэдакцыі

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».