З 28 кастрычніка па 3 лістапада ў Гомелі прайшоў маладзёжны чэмпіянат свету па шашках-100. На гэты прэстыжны турнір прыехалі каля 250 юных шашыстаў з Кітая, Расіі, Нідэрландаў, Польшчы, Італіі, Украіны, Беларусі, Латвіі, Літвы, Эстоніі, Казахстана, Венгрыі, Манголіі, Сурынама і Кот-д'Івуара.
Чэмпіянат свету праходзіў у дзвюх намінацыях: у асноўнай класічнай праграме і бліцы (маланкавай гульні). У бліцы беларусы заваявалі чатыры медалі — два залатыя і два бронзавыя. Чэмпіёнкамі свету сталі сталічныя спартсменкі Паліна Петрусёва і Вікторыя Нікалаева, а бронзавыя медалі заваявалі Георгій Выдзерка і Дар'я Нікіфарава.
У класічнай праграме беларусы заваявалі пяць медалёў — тры залатыя і два бронзавыя. Чэмпіёнамі свету ў «класіцы» сталі Міхаіл Семянюк, Вікторыя Нікалаева і Любоў Кобрына. Бронзавыя медалі заваявалі Яна Лазовік і Анастасія Сакалова.
У выніку беларускія спартсмены заваявалі ў Гомелі дзевяць медалёў — пяць залатых і чатыры сярэбраныя, такім чынам заняўшы другое месца ў камандным заліку, прапусціўшы наперад толькі Расію.
Яўген Салановіч, майстар спорту СССР па міжнародных і рускіх шашках
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
