Вы тут

За тры дні вакол свету


«У Дзень халасцяка, 11 лістапада, да стандартнай колькасці чартэрных самалётаў мы дадамо яшчэ больш за 40 для таго, што пакупнікі Расіі, Еўропы і іншых рынкаў змаглі атрымаць заказаныя тавары за 15 дзён», - адзначыў прадстаўнік кітайскай лагістычнай кампаніі Cainiao Alliance.  Да 2016 года час дастаўкі да Расіі складала 60 дзён, перадае “Жэньмінь жыбаа” анлайн”.


 У апошнія гады кітайскія лагістычныя прадпрыемствы інтэнсіўна развіваюць міжнародныя грузавыя маршруты, ствараючы сваю сетку перавозак.  Калі ўзяць у прыклад SF Express, кампанія прапануе свае паслугі ўжо ў 53 краінах і раёнах свету, у тым ліку ЗША, ЕС, Расіі, Японіі і Малайзіі.  Сетка паслуг па адпраўцы невялікіх міжнародных пасылак пакрывае больш за 200 краін і раёнаў свету, уласныя авіямаршрут SF Express ужо звязваюць Кітай з 13 замежнымі гарадамі, сярод якіх --  Осака, Сінгапурам, Ханоем, Чэнае.

 «Акрамя паветранай сеткі, для далейшага прасоўвання міжнароднай экспрэс-пошты Дзяржаўнае паштовае аддзяленне Кітая актыўна рэалізуе «праект вузлоў паветранага экспрэса», - адзначыў адзін з прадстаўнікоў нацыянальнай паштовай службы КНР.  Ужо пачалося будаўніцтва частковага перадавога праекта па ключавым міжнародным лагістычным вузле ў правінцыі Хубэй.  Чакаецца, што пасля будаўніцтва гэты вузел стане чацвёртым найбуйнейшым у свеце і першым паветраным лагістычным вузлом ў Азіі.

 Прадпрыемствы-аператары экспрэс-пошты не толькі развіваюць міжнародныя авіямаршруты, але і актыўна ўмацоўваюць будаўніцтва паветраных транспартных магутнасцяў.  Кампанія SF Express інвеставала ў міжнародную платформу па прадастаўленні авіяцыйных лагістычных паслуг Flexport.  ZTO Express разам з авіяцыйнымі кампаніямі Turkish Airlines і Cebu Pacific стварылі ў Ганконгу прадпрыемства на сумесным капітале для прадастаўлення паслуг па сусветных авіяперавозках.  YTO Express і Air China ўклалі 12 млрд. ганконскіх долараў у будаўніцтва лагістычнага вузла сусветнага ўзроўню ў міжнародным аэрапорце Ганконга, холдынгавая кампанія YTO Express таксама мае намер інвеставаць 12,2 млрд. ганконскіх долараў у стварэнне глабальнага авіяцыйнага лагістычнага вузла ў аэрапорце Цзясіна правінцыі Чжэцзян.

 «За пяць гадоў мы скарацілі працягласць дастаўкі на платформе B2B з 70 да 10 рабочых дзён.  У будучыні мы спадзяемся, што будзе магчымасць паменшыць гэтую працягласць да 5 дзён, а затым ажыццяўляць 72-гадзінную дастаўку па ўсім свеце», - заявіў прэзідэнт Cainiao Alliance Вань Лін.  Заслугі кітайскай міжнароднай лагістыкі нельга ігнараваць.

 Замежныя склады таксама з'яўляюцца сакрэтам паскарэння дастаўкі тавараў за мяжой.  Дзякуючы складам у Мадрыдзе, Парыжы і Маскве, а таксама на базе разумнага прагназавання і заўчаснага размеркавання тавараў, кампанія Cainiao Alliance ўжо ажыццяўляе 72-гадзінную дастаўку ў межах Іспаніі.  У цяперашні час Іспанія з'яўляецца другой краінай у свеце па аб'ёму экспарту для карпарацыі Alibaba.

 Акрамя гэтага, кітайскія прадпрыемствы «рэфармуюць» кіраванне лагістыкай на месцах.  «У 2013 годзе, мы разам з Поштай Расіі пачалі ўсебаковае супрацоўніцтва.  Праз тры гады, расійскія пакупнікі сталі атрымліваць заказаныя ў Кітаі тавары за 15 дзён замест 60 », - сказаў Вань Лін. Па інфармацыі Пошты Расіі, у цяперашні час расійская пошта штодня апрацоўвае ад 30 да 230 млн. пасылак, такі прырост у большай ступені звязаны з электроннай камерцыяй кітайскіх сярэдніх і малых прадпрыемстваў.

 У глабальных маштабах кампанія Cainiao Alliance сумесна са шматлікімі лагістычнымі прадпрыемствамі на базе разумнай сеткі лагістыкі прадастаўляе паслугі па прыёме грузу, размеркаванні і перавозцы, акрамя гэтага прапануе такія лагістычныя рашэнні, інавацыйныя паслугі, як электронныя накладныя і смарт-замовы.  Разам з гэтым, Cainiao Alliance ажыццяўляе пакрыццё асноўных гарадоў свету і 10-дзённую дастаўку.  У Інданэзіі кампанія JD абслугоўвае сем буйных астравоў, 483 горада і 6500 паветаў, 85 працэнтаў заказаў дастаўляюцца за адзін дзень.

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.