Вы тут

У Мінску адкрылі 25-ы кінафестываль «Лістапад»


2 лістапада ў сталічным кінатэатры «Масква» прайшла цырымонія адкрыцця міжнароднага кінафестывалю «Лістапад». Фестываль праводзіцца ўжо дваццаць пяты раз, у гэтым годзе - пад слоганам «Пазнаючы белы свет». Форум прысвечаны вядомаму рэжысёру Кіры Муратавай, якой не стала ў чэрвені гэтага года.


Гледачы і ўдзельнікі цырымоніі адкрыцця сталі збірацца ў фае кінатэатра ўжо за гадзіну да старту. У папярэднія гады чырвоная дывановая дарожка на адкрыцці была сімвалічнай - яе замяняла пунсовае падсвятленне прыступак. У гэтым - юбілейным для фестывалю - годзе ўсё было па-сапраўднаму.

На фестываль прыбыла і зорка фільма «Службовы раман» Святлана Немаляева. Ёй быў уручаны Спецыяльны прыз Выканаўчага камітэта Садружнасці Незалежных Дзяржаў «Кіно без межаў». На сцэне акторка не змагла стрымаць слёз:

— Я вельмі люблю Мінск. Мы з маім мужам прыязджалі сюды і на гастролі, і на «Лістапад», і я здымалася тут. Таму ў мяне ўспаміны самыя вясёлкавыя, самыя выдатныя і самыя ўдзячныя, — сказала вядомая актрыса.

У гэтым годзе ў конкурсных і пазаконкурсных паказах заяўлена больш за 160 карцін з 48 краін. Фестывальныя паказы пройдуць у кінатэатрах «Цэнтральны», «Мір», «Піянер», «Масква», «Беларусь», «Falcon Club Буцік Кіно», а таксама ў Музеі гісторыі беларускага кіно.

Таццяна ТКАЧОВА

Фота аўтара

Выбар рэдакцыі

Грамадства

У Чавусах створана сістэма па падтрымцы людзей і чалавечых сувязяў

У Чавусах створана сістэма па падтрымцы людзей і чалавечых сувязяў

Клопат аб людзях паважнага ўзросту набывае ў нашым грамадстве асаблівае значэнне.

Грамадства

Сістэма аплаты працы бюджэтнікаў стане прасцейшай

Сістэма аплаты працы бюджэтнікаў стане прасцейшай

Гэта прадугледжана Указам Прэзідэнта ад 18 студзеня 2019 года № 27 «Аб аплаце працы работнікаў бюджэтных арганізацый».