Вы тут

Краіны — удзельніцы СНД дамовіліся аб дапамозе ў выпадку радыяцыйнай аварыі


Краіны — удзельніцы СНД дамовіліся аб агульнай дапамозе ў выпадку радыяцыйнай аварыі

Адпаведнае пагадненне падпісана падчас сустрэчы Савета кіраўнікоў урадаў Садружнасці Незалежных Дзяржаў. Дакумент значна спросціць працэдуру ўзаемадапамогі і скароціць час рэакцыі на магчымыя інцыдэнты, звязаныя з выкарыстаннем атамнай энергіі ў мірных мэтах.


Прадстаўнікоў на ўзроўні прэм'ераў, віцэ-прэм'ераў накіравалі ў Астану ўсе краіны — члены СНД, акрамя Украіны.

Развіццё высокатэхналагічнай вытворчасці ў энергетычнай сферы і супрацоўніцтва ў гэтым кірунку стала адной з асноўных тэм пасяджэння. Згаданая галіна найбольш плённая для краін Садружнасці. Стварэнне энергетычнага абсталявання дасць штуршок для мадэрнізацыі вытворчасці, павышэння навуковага патэнцыялу і забяспечыць новымі рабочымі месцамі.

Усяго на парадку дня было 13 пытанняў, сярод якіх узаемадзеянне па прафілактыцы ачагоў хвароб і шкоднікаў лесу на прыгранічных тэрыторыях, сумесная дзейнасць у галіне даследавання космасу, абмен электроннай інфармацыяй для ажыццяўлення падатковага адміністравання.

Асаблівы блок — фінансавыя дакументы. Напрыклад, вызначаны парадак фінансавання мерапрыемстваў па падтрымцы якасці жыцця ветэранаў войнаў. Падпісаны дакументы аб асігнаваннях на стварэнне і развіццё аб'яднанай сістэмы проціпаветранай абароны дзяржаў.

Акрамя таго, удзельнікі пасяджэння зацвердзілі план прыярытэтных мерапрыемстваў у сферы гуманітарнага супрацоўніцтва на 2019—2020 гады, большасць якіх будуць прысвечаны святкаванню 75-годдзя Перамогі ў Вялікай Айчыннай вайне.

Марыя ДАДАЛКА

Загаловак у газеце: Мірны атам СНД

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.