Спартыўны тэлеканал "Беларусь 5" прадставіць сёння ў сваім эфіры праект аб Анатолі Капскім, паведамілі БЕЛТА ў прэс-службе Белтэлерадыёкампаніі.
Праект "Капскі. Жыццё за мару" - гэта гісторыя пра тое, як просты вясковы хлопец стаў самым паспяховым футбольным кіраванцам Беларусі. Жорсткі і патрабавальны, але надзейны, справядлівы і клапатлівы Анатоль Капскі усе сілы аддаваў працы і сваёй камандзе. За яго асабіста і за БАТЭ маліліся вернікі царквы, якую ён аднаўляў разам з футбалістамі.
Сваімі ўспамінамі з тэлегледачамі падзеляцца сябры і калегі, сярод якіх вядомыя асобы ў свеце футбола - Аляксандр Глеб, Юрый Пунтус, Віктар Ганчарэнка і ўсе трэнеры, якія калі-небудзь працавалі з Капскім. Непадробныя эмоцыі, рэдкія запісы хронікі і шчырыя ўспаміны сабраны аўтарамі праекта, які можна будзе ўбачыць у эфіры "Беларусь 5" сёння ў 22.35.
Старшыня праўлення ФК БАТЭ Анатоль Капскі памёр 22 верасня 2018 года на 53-м годзе жыцця.
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
