Вы тут

Безбагажныя квіткі на рэйсы "Белавія" могуць з'явіцца на працягу паўгода


Квіткі па безбагажных тарыфах у авіякампаніі "Белавія" могуць з'явіцца на працягу паўгода, паведаміў міністр транспарту і камунікацый Анатоль Сівак, піша БЕЛТА.


"Канкрэтных тэрмінаў назваць не магу, але думаю, што не больш за паўгода. Бо унесці змены ў закон - гэта не змяніць, да прыкладу, пастанову Мінтранса, якую можна прыняць на працягу двух тыдняў", - сказаў міністр. Ён растлумачыў, што перашкодай для ўводу такіх квіткоў цяпер з'яўляецца адсутнасць адпаведнага заканадаўства, у сувязі з чым Міністэрства транспарту і камунікацый ініцыюе ўнясенне зменаў.

Па словах кіраўніка Мінтранса, ва ўрадзе ёсць агульная згода аб увядзенні безбагажных квіткоў. "Мы плануем, што на кожным рэйсе ў продажы будуць квіткі па, скажам так, "смешнай" цане". Сёння юрыдычна такія квіткі "Белавія" прадаваць не можа", - дадаў Анатоль Сівак.

Мінтранс плануе ўнесці заканадаўчыя ініцыятывы на працягу месяца. Пасля іх прыняцця перавозчык зможа сам вызначыць тэрміны ўкаранення безбагажных квіткоў.

Выбар рэдакцыі

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».