Пра сёлетнюю восень — аксамітную, надзіва цёплую і прыгожую — залатую! — так і хочацца сказаць словамі нашага песняра Янкі Купалы: «Як сама царыца ў залатой кароне...» Даўно прырода не пеставала нас такой шчодрай на фарбы і сонца восенню. Кожны кастрычнік я выпраўляюся на своеасаблівыя агледзіны не толькі ў навакольныя скверы, але і ў вядомыя ў сталіцы і краіне паркі: Лошыцкі і парк Радзівілаў у Нясвіжы. Вось і сёння яны зноў мяне паклікалі пад свае залатыя шаты, прымусілі блукаць па старажытных шапаткіх алеях, удыхаць гаркавы водар лістоты. А яшчэ ўслухоўвацца ў вясёлыя галасы людзей, здымаць усмешкі на іх шчаслівых тварах, заглядацца на залатыя вяночкі на дзіцячых і дзявочых галоўках. Сёлетняя восень шчодра папоўніла маю калекцыю новымі здымкамі царыц у залатых каронах.
Анатоль КЛЯШЧУК
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
