20 кастрычніка ва ўсіх рэгіёнах краіны па ініцыятыве Міністэрства лясной гаспадаркі адбылася рэспубліканская добраахвотная акцыя “Чысты лес”. Цягам дня валанцёры дапамагалі работнікам галіны добраўпарадкаваць лясны фонд: прыбіралі смецце, прыводзілі ў парадак месцы масавага адпачынку, рыхтавалі да зімоўкі дэндрапаркі, займаліся пасадкай дрэў.
Толькі за суткі сумеснымі намаганнямі работнікаў лесагаспадарчых устаноў і добраахвотнікаў было зроблена наступнае: прыбрана больш за 2,5 тысячы кубаметраў смецця і больш за 5 тысяч кубаметраў засмечанасці; праведзена дапаўненне лясных культур на плошчы 984,6 гектара (1 295 541 дрэва); наведзены парадак ўздоўж прыдарожных палос, добраўпарадкаваны месцы паблізу мемарыяльных комплексаў, памятных знакаў і іншых аб’ектаў; у Жлобінскім раёне быў устаноўлены помнік загінуламу пры тушэнні ляснога пажару каля вёскі Лесань супрацоўніку МНС.
Усяго ў добраахвотнай акцыі ўзялі ўдзел 38 819 валанцёраў. Найбольш актыўна яе падтрымалі ў Мінскай вобласці (7 826 добраахвотнікаў). Работа была арганізавана на 2 137 аб’ектах, найбольшая колькасць — 494 — была ў арганізавана ў Гомельскай вобласці.
Міністэрства лясной гаспадаркі выказвае ўдзячнасць усім валанцёрам за праяўленую актыўнасць і нагадвае, што ўдзельнікі акцыі ўсё яшчэ могуць прыняць удзел у конкурсе фотаздымкаў. Для гэтага неабходна размясціць у сацыяльных сетках фота з месца правядзення акцыі з хэштэгам #Чыстылес2018. Аўтары найбольш яркіх і крэатыўных работ атрымаюць памятныя сувеніры — брэндавую прадукцыю Міністэрства лясной гаспадаркі, паведамілі ў яе прэс-службе. Пераможцы фотаконкурсу будуць вызначаны цягам тыдня.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
