Беларускі піяніст і дырыжор, мастацкі кіраўнік Міжнароднага фестывалю Юрыя Башмета стаў «Зорным паслом ІІ Еўрапейскіх гульняў 2019 года».
Адпаведны сертыфікат уручаны яму ў Мінску падчас канцэрта «Класіка і мастацкая гімнастыка», які адбыўся ў Белдзяржфілармоніі.
Дырэктар фонду «Дырэкцыя ІІ Еўрапейскіх гульняў 2019 года» Георгій Катулін адзначыў, што званне зорнага пасла гульняў прысвоена Расціславу Крымеру не выпадкова — ён ярка расказвае пра Беларусь за мяжой дзякуючы сваёй канцэртнай і педагагічнай дзейнасці. Арганізаваць найбуйнейшыя ў нашай гісторыі спаборніцтвы на высокім узроўні — гэта асноўная мэта, але значна больш важнай задачай з'яўляецца адкрыццё Беларусі ўсяму свету, перш за ўсё Еўропе, бо ў Гульнях будуць удзельнічаць больш за чатыры тысячы спартсменаў з усіх 50 еўрапейскіх краін, сказаў Георгій Катулін.
Расціслаў Крымер у сваю чаргу падкрэсліў, што для яго вельмі пачэсна атрымаць гэта ганаровае званне. «У маёй асобе і ў асобе маіх адданых мастацтву калег вы знойдзеце людзей, гатовых расказваць пра такія буйныя міжнародныя мерапрыемствы, як Еўрапейскія гульні. Для Беларусі вельмі важна прыняць гэты спартыўны форум, таму ўжо цяпер хочацца пажадаць усім нашым спартсменам высокіх дасягненняў і прызавых месцаў», — адзначыў ён.
Дар'я ЛАБАЖЭВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
