Вы тут

Зіма ўжо блізка, а UniCon & Game Expo — яшчэ бліжэй!


Зіма ўжо блізка, а UniCon & Game Expo — яшчэ бліжэй!

Трохдзённая выстава‒фестываль фантастыкі, коміксаў, фэнтэзі, настольных і камп'ютарных гульняў пройдзе ў Мінску 2‒4 лістапада. У інтэрактыўным фармаце госці пазнаёмяцца з навінкамі гульнявой індустрыі, пагрузяцца ў свет фантастычных сусветаў і «жалеза» на UniCon & Game Expo.

2 лістапада мінчан і гасцей горада на футбольным манежы сустрэнуць любімыя персанажы фантастычных серыялаў, коміксаў і кампутарных гульняў. UniCon‒2018 рыхтуе 29 фан‒стэндаў фантастычных сусветаў: кожны са сваёй праграмай і сваімі героямі — ад Warcraft да Star Wars і Marvel.

На сцэне фестывалю пройдзе конкурс касплея — сцэнічнага дэфіле фантастычных персанажаў. Нягледзячы на ваяўнічыя вобразы, усе героі вельмі прыязныя і ахвотна фатаграфуюцца з наведвальнікамі. Пераможцы відовішчнага конкурсу будуць узнагароджаныя падарункамі і прызамі ад партнёраў выставы. Галоўная ўзнагарода — паездка на прэстыжны замежны фестываль.

Прыхільнікаў фантастычных раманаў чакаюць сустрэчы з пісьменнікамі‒фантастамі Вадзімам Пановым і Віталіем Зыкавым, якія адмыслова прыедуць на фестываль. Аматары коміксаў на Алеі аўтараў змогуць пабачыць і пачуць спецыяльна запрошаных гасцей з Санкт‒Пецярбурга: Віталя Цярлецкага, Арцёма Бізяева, а таксама Аляксея Замскога і Жэню К. Тут жа наведвальнікам прадставяць спецыяльны праект — артбук беларускіх мастакоў «Whitebook 2», а таксама зборнік коміксаў беларускіх аўтараў «Сучасны комiкс».

Пагрузіцца ў свет гейм‒індустрыі наведвальнікам дапаможа экспазіцыя Game Expo. Навінкі ад кампутарных брэндаў, графічныя планшэты, навіны гейм‒індустрыі ад беларускіх і расійскіх распрацоўшчыкаў. На выставе кожны знойдзе сабе занятак па душы і зможа далучыцца да свету камп'ютэрных гульняў, пагутарыць з аднадумцамі і нават пазмагацца ў кіберспартыўным спаборніцтве.

У рамках Game Expo пройдуць два кіберспартыўныя турніры па дысцыплінах Dota 2 (3 лістапада) і Hearthstone (4 лістапада). Пераможца другога атрымае галоўны прыз: гульнявы ноўтбук ад партнёра выставы — брэнда ASUS.

Таксама наведвальнікаў чакаюць інтэрактыўныя рэтра‒гульні, файтынгі, прэзентацыі індзі‒гульняў, якіх яшчэ няма ў вольным доступе, адукацыйныя майстар‒класы па 3D‒ілюстрацыі і графіцы, конкурс малюнкаў на графічных планшэтах і многае іншае. Для аматараў настольных гульняў будзе арганізаваная гульнятэка, на якой можна згуляць у любімыя гульні і ацаніць навінкі ад партнёра выставы — кампаніі «Хобі гульні»: «Правільны мёд», «Дойліды», «Таемнае пасланне», «Дэлюкс» і іншыя.

Тры дні ў футбольным манежы гасцей чакае ўсё для таго, каб добра бавіць час: жывыя квэсты з падарункамі, конкурсы, розыгрышы прызоў, музычная праграма, інтэрактыўныя пляцоўкі і шмат новых уражанняў.

Сачыце за навінамі і праграмай мерапрыемстваў у афіцыйных пабліках мерапрыемства.

#gameexpominsk

#uniconby

Выбар рэдакцыі

Хведар Чэрня. Сябра маёй вясны

Хведар Чэрня. Сябра маёй вясны

Радок на яго помніку спыняе і змушае задумацца.

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне.