Вы тут

Пленарнае пасяджэнне V Форуму рэгіёнаў Беларусі і Расіі пройдзе ў Магілёве


Галоўная падзея V Форуму рэгіёнаў Беларусі і Расіі, яго пленарнае пасяджэнне з удзелам кіраўнікоў дзяржаў Аляксандра Лукашэнкі і Уладзіміра Пуціна адбудзецца сёння ў Магілёве, паведамляе БЕЛТА.


Падчас пленарнага пасяджэння будуць абмяркоўвацца прыярытэтныя напрамкі развіцця рэгіянальнага супрацоўніцтва як ключавога фактару інтэграцыі і саюзнага будаўніцтва.

Сёння запланаваны яшчэ шэраг важных мерапрыемстваў. Так, старшыня Савета Рэспублікі Міхаіл Мясніковіч і спікер Савета Федэрацыі Федэральнага Сходу Валянціна Мацвіенка сустрэнуцца з кіраўнікамі рэгіёнаў дзвюх краін.

Упершыню на палях форуму пройдзе Савет дзелавога супрацоўніцтва, дзе асноўныя напрамкі ўзаемадзеяння і сумесныя праекты абмяркуюць кіраўнікі кампаній і прадпрыемстваў Беларусі і Расіі.

Напярэдадні 11 кастрычніка на форуме адбыліся пасяджэнні секцый. Яны прысвячаліся пяці асноўным напрамкам: аграрная палітыка, уніфікацыя і гарманізацыя заканадаўстваў, лічбавая эканоміка, маладзёжная палітыка, міжнародная дзейнасць і эканамічная бяспека.

У Магілёў, які ў гэтыя дні стаў сталіцай саюзнай інтэграцыі, сабраліся больш за 20 губернатараў рэгіёнаў Расіі, а таксама 17 кіраўнікоў прадстаўнічых органаў улады расійскіх рэгіёнаў.

Асаблівасцю форуму стала выстава-кірмаш рамёстваў, дзе сваю прадукцыю прадставілі майстры дэкаратыўна-прыкладнога мастацтва і фальклорныя аматарскія калектывы Беларусі і Расіі. На нацыянальных святочных экспазіцыях праходзяць майстар-класы, выставы-продажы вырабаў мастацкіх рамёстваў, народныя гульнявыя атракцыёны, фальклорныя гульнявыя праграмы з удзелам аматарскіх калектываў, дэгустацыя нацыянальных страў, спаборніцтвы і іншыя мерапрыемствы. На працягу ўсіх дзён працы выставы-кірмашу арганізавана канцэртная праграма "Садружнасць культур - садружнасць народаў" з удзелам аматарскіх калектываў Беларусі і Расіі.

Адкрыты пляцоўкі, дзе рэгіёны Беларусі прадстаўляюць свой гандлёва-эканамічны, гісторыка-культурны і турыстычны патэнцыял.

Усяго ў асноўных і спадарожных мерапрыемствах V Форуму рэгіёнаў Беларусі і Расіі чакаецца ўдзел каля 2 тыс. чалавек.

Форум праводзіцца пад эгідай Савета Рэспублікі і Савета Федэрацыі.

Дадаць каментар

Выбар рэдакцыі

Культура

Даніэль Ястрэмскі: Еўрабачанне» — мара, да якой я доўга ішоў

Даніэль Ястрэмскі: Еўрабачанне» — мара, да якой я доўга ішоў

Гэты 14-гадовы мінчанін, бадай, самы вядомы сёння беларускі дзевяцікласнік. Ён ні многа ні мала, а выйграў нацыянальны адбор на дзіцячае «Еўрабачанне».

Грамадства

Як гэта было: шчыры аповед аб усынаўленні

Як гэта было: шчыры аповед аб усынаўленні

Алене хутка будзе 44, яна выкладае ў адным са сталічных універсітэтаў. 

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю.