Вы тут

Другая (не)канферэнцыя школьных настаўнікаў пройдзе 13-14 кастрычніка


Educatіon Camp (EdCamp ) — міжнародная ініцыятыва, якая нарадзілася ў настаўніцкім асяроддзі ў ЗША ў 2010 годзе. З таго часу прайшло больш за 1500 эдкэмпаў ў 36 краінах.  У 2017 годзе да міжнароднай сеткі EdCamp далучылася Беларусь.


Удзельнікі EdCamp Belarus-2017.

EdCamp мае ўнікальны фармат. (Не)канферэнцыя падпарадкоўваецца закону “аб дзвюх нагах”: яе праграма загадзя невядомая, удзельніцы і ўдзельнікі самастойна вызначаюць ход мерапрыемства і далучаюцца да той дыскусіі, якая цікавая менавіта ім, праграма фактычна ствараецца разам, зыходзячы з інтарэсаў кожнага ўдзельніка.

Усе могуць быць як спікерамі, так і слухачамі. Могуць прапанаваць сваю педагагічную ідэю, агучыць праблему і шляхі яе вырашэння, зыходзячы з ўласнага досведу, правесці майстар-клас, а могуць проста прагаласаваць за тое, што хочуць пачуць. Галоўны прынцып — “дай, калі можаш, вазьмі — калі хочаш”.

У кожнага з удзельнікаў будзе 90 секунд, каб прэзентаваць сваю ідэю. Затым педагогі  прагаласуюць за найбольш цікавыя з іх.

EdCamp Belarus—2018  будзе доўжыцца два дні.  Праграма уключае таксама 15 майстар-класаў па развіцці крэатыўнасці, крытычнага мыслення, навыкаў камунікацыі і фінансавай пісьменнасці школьнікаў. Выкладчыкі з Польшчы і Эстоніі падзеляцца досведам па стварэнні інклюзіўнага школьнага асяроддзя і тым, як яны выкарыстоўваюць метады гейміфікацыі ў сваёй працы.

13 кастрычніка адбудзецца панэльная дыскусія з HR-спецыялістамі вядучых кампаній (EPAM, стартап Flo, Coca Cola) па тэме прафарыентацыі школьнікаў і развіцця навыкаў, неабходных пры працаўладкаванні.

Мэтай (не)канферэнцыі з'яўляецца стварэнне нефармальнай творчай пляцоўкі для школьных настаўнікаў па абмене ідэямі, вопытам і далейшга супрацоўніцтва для прафесійнага росту.

На конкурсе сацыяльных праектаў SocialWeekend ідэя першай (не)канферэнцыі  для педагогаў аказалася сярод пераможцаў.

Арганізатары EdCamp Belarus—2018 — Мінскі Хаб глабальных архітэктараў будучыні (Global Shapers) і Таварыства беларускай школы.

Надзея НІКАЛАЕВА

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.