На 1 кастрычніка 2018 года ў нашай краіне адкрыта амаль 59 тысяч дэпазітных рахункаў на сямейны капітал. Іх агульная сума складае амаль 590 млн долараў ЗША. Пра гэта журналістам паведаміў намеснік міністра працы і сацыяльнай абароны Валерый КАВАЛЬКОЎ на прэс-канферэнцыі, прымеркаванай да Дня маці, які будзе адзначацца 14 кастрычніка.
Намеснік міністра адзначыў, што дзяржаўная падтрымка сям'і — адзін з ключавых кірункаў нашай сацыяльнай палітыкі і адна з асноў дэмаграфічнай бяспекі. Доўгатэрміновай падтрымкай шматдзетных сем'яў, паводле яго слоў, з'яўляецца сямейны капітал, які прызначаецца сем'ям з 2015 года. Яго сума складае 10 тысяч долараў, адкрыць такі дэпазіт сям'я можа пры нараджэнні, усынаўленні (удачарэнні) трэцяга або наступных дзяцей.
Акрамя таго, па словах Валерыя Кавалькова, па стане на 1 ліпеня 2018 года больш за 530 тысяч чалавек атрымлівалі падтрымку ад дзяржавы ў выглядзе той ці іншай дзяржаўнай дапамогі, прадугледжанай сем'ям у сувязі з нараджэннем і выхаваннем дзяцей. Фактычна, як адзначыў намеснік міністра, гэта амаль кожнае трэцяе дзіця ў краіне.
Святлана БУСЬКО
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
