Вы тут

Востраў любові


Гледзячы на захапленне Святланы Ашэкі, так і хочацца сказаць: сэрца ў гэтай жанчыны незвычайнае, няйначай — залатое! А любові і міласэрнасці ў ім хопіць на ўсіх, нават з гакам! На працягу трыццаці гадоў яна выратавала, выхадзіла і дала прытулак не адной сотні свойскіх і дзікіх жывёл. Займела дзясяткі сяброў па ўсім свеце, якім перадала сваіх падлечаных, дагледжаных гадаванцаў. Спачатку Святлана Юр'еўна трымала жывёл у сваёй кватэры ў Рэчыцы, а пятнаццаць гадоў назад набыла падвор'е ў вёсцы Азёршчына і стварыла на ім сапраўдны прытулак для сабак і кошак. Пабудавала вальеры, домікі, будкі. Наладзіла партнёрскія адносіны з многімі ветурачамі, ёй дапамагаюць сяброўкі і валанцёры. Але галоўны клопат пра падапечных кладзецца на саму гаспадыню і яе дзяцей, якія з маленства дапамагалі даглядаць жывёлак.


Нядаўна на незвычайным падвор'і адбылося своеасаблівае «наваселле» — уваходзіны кошак у домік, які пабудаваў яе сын Аляксандр. Усіх вусатых перанеслі з гаспадарскага дома ў «новабудоўлю». Хутка падключаць цяпло і муркі зажывуць весела.

— Наша каманда апякуецца ў першую чаргу хворымі і слабымі жывёламі. Сярод іх ёсць сапраўдныя інваліды: з ампутаванымі лапамі, сляпыя, з перабітымі пазваночнікамі, нават эпілептыкі, — расказвае гаспадыня. — Усіх жывёл ставім «на лапы», акрамя таго, прышчэпліваем ад шаленства і рэгіструем на гарадской ветстанцыі. Самае галоўнае, усе нашыя гадаванцы сацыялізаваныя, добрыя, рахманыя, ніякай агрэсіі ад іх не ідзе. Да нас прыязджаюць сем'і з дзецьмі, людзі, якім патрэбна пяшчота, і гэтыя жывёлы дораць яе.

І яшчэ навіна: у прытулку з'явіліся новыя жыхары — два параненыя буслы сёлетняга вывадка. Здаецца, не толькі сама гаспадыня, але і ўсе яе падапечныя радуюцца гэтым цыбатым навасёлам.

 

 

 

Анатоль Кляшчук, фота аўтара

Рэчыцкі раён

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.