Вы тут

Прафесія настаўніка мае ў Беларусі ярка выражаны жаночы характар


Доля жанчын-настаўнікаў дасягае ў агульнай колькасці педагогаў 86 працэнтаў.


Як паведамляецца ў статыстычным агляде, падрыхтаваным да Дня настаўніка, сярод дырэктараў устаноў адукацыі і іх намеснікаў мужчын — таксама толькі 14 працэнтаў.

Усяго ва ўстановах агульнай сярэдняй адукацыі працуе больш за 115 тысяч педагогаў: 80 тысяч — у гарадах і гарадскіх пасёлках і 35 тысяч — у сельскай мясцовасці. У гарадскіх школах на аднаго настаўніка прыпадае ў сярэднім дзесяць вучняў, а ў сельскіх — пяць.

71 працэнт усіх настаўнікаў — гэта настаўнікі-прадметнікі. Прадстаўнікоў моцнага полу сярод іх 19 працэнтаў. Часцей за ўсё педагогаў-мужчын у школе можна сустрэць на ўроках фізічнай культуры (іх там 64 працэнты ад агульнай колькасці). Сярод настаўнікаў дапрызыўнай і медыцынскай падрыхтоўкі мужчын 60 працэнтаў, працоўнага навучання — 45 працэнтаў, фізікі — 35 працэнтаў, гісторыі і грамадазнаўчых дысцыплін — 29 працэнтаў, інфарматыкі — 27 працэнтаў, геаграфіі — 22 працэнты, кітайскай мовы — 19 працэнтаў, выяўленчага мастацтва — 14 працэнтаў, матэматыкі — 10 працэнтаў і гэтак далей.

Амаль 94 працэнты ўсіх настаўнікаў, што працуюць у школе, маюць вышэйшую адукацыю. У 35 працэнтаў педагогаў — вышэйшая кваліфікацыйная катэгорыя, а ў 41 працэнта — першая. Больш як 15 гадоў працуюць па спецыяльнасці 67 працэнтаў настаўнікаў і кіраўнікоў школ.

Надзея НІКАЛАЕВА

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.