Вы тут

БДПУ запрашае на «Гарбузовы фэст»


29 верасня на аграбіястанцыі Зялёнае пад Мінскам другі раз пройдзе «Гарбузовы фэст».


Удзельнікаў фестывалю чакае цікавая праграма. Яны змогуць прыняць удзел у “Гарбузовых забаўках” і прадэманстраваць, што ж вырасцілі на ўласным падворку, а таксама абмяняцца сезоннай прадукцыяй. На фестывалі можна будзе пакаштаваць “Восеньскія прысмакі” з гарбуза і іншай гародніны і садавіны і “Замежныя пачастункі”. Іншаземныя  студэнты, якія научаюцца ў БДПУ,  будуць вучыць рыхтаваць стравы сваёй краіны.

Не абыдзецца, вядома, і без “Пачастунка ад рэктарата” — смачнай кашы з гарбуза.

Падрыхтаваны і незвычайныя нумары. Так, адбудзецца конкурс авангарднага касцюма з гарбуза “Залаты сілуэт”. На пляцоўцы “Надзвычай незвычайна” будуць ладзіцца эксперыменты. Таксама можна будзе пабываць на выставе вырабаў дэкаратыўна-прыкладнога мастацтва “Восеньскія дзівосы”, наведаць пляцоўку рэсурснага цэнтра “Зялёны офіс”, псіхалагічную гасціную “Таямніцы душы”.

Мяркуецца, што гасцямі свята стануць работнікі Міністэрства адукацыі на чале з міністрам Ігарам Карпенка, а таксама супрацоўнікі РНПЦ “Кардыялогія” і яго дырэктар Аляксандр Мрочак. Дарэчы, тут жа будзе працаваць пляцоўка “Пульс восені”, дзе спецыялісты цэнтра раскажуць пра здаровы лад жыцця і памераюць ахвотным ціск. БДПУ і РНПЦ “Кардыялогія” супрацоўнічаюць у рамках сумеснага адукацыйна-аздараўленчага праекта “Разам — да здароўя нацыі!”.

Конкурсная праграма "Гарбузовага фэсту” вельмі насычаная. За прызавыя месцы пазмагаюцца 11 студэнцкіх каманд з дзевяці факультэтаў і двух інстытутаў. “Гарбузовыя забаўкі” выйграе самая спартыўная каманда (за гэта званне будзе змагацца і каманда рэктарата), “Восеньскія прысмакі” — каманда з найлепшай кулінарнай стравай. На выставе вырабаў дэкаратыўна-прыкладнога мастацтва “Восеньскія дзівосы” будзе абраны найлепшы выраб дэкаратыўна-прыкладнога мастацтва з гарбуза, а ў конкурсе “Залаты сілуэт” — найлепшы авангардны гарнітур з гарбуза.

Па выніках прэзентацыі “Восень каляровая” журы абвесціць лепшы творчы нумар, а па выніках ўзважвання — самы цяжкі гарбуз. Па суме балаў за ўсе конкурсныя заданні будуць вызначаны пераможца і прызёры “Гарбузовага фэсту”.

Фестываль “Гарбузовы фэст” распачнецца ў 11 гадзін па адрасе: пасёлак Зялёнае, Мінскі раён (аграбіястанцыя “Зялёнае”, навучальны корпус № 10).

Надзея НІКАЛАЕВА

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.